Qazaqstannyń «Lotereia týraly» zańnyń arqasynda otandyq sportty damytyp qana qoimai, bás tigý biznesin de ashyq júiege keltirýge de bolady, dep habarlaidy QazAqparat.
QR Mádeniet jáne sport ministri Arystanbek Muxamediulynyń aitýynsha, lotereiadan túsetin tabystyń 15 paiyzy sportty damytýǵa jumsalady.
«Shyny kerek, buǵan deiin ondai zań bolmaǵan. «Lotereia týraly» zań óte qiyn qujat boldy. Degenmen, biz ony qabyldadyq. Lotereiadan túsetin aqshanyń az emes ekenin bárimiz jaqsy bilemiz. Biraq qandai salyq tólenedi? Kimge paida túsip jatyr? Oǵan qarap otyrǵan eshkim joq. Biz osy salany ashyq qyldyq, bir júiege keltirdik. Eń bastysy, túsetin aqshanyń 15 paiyzy sportty damytýǵa baǵyttalatyn bolady. Sosyn osy saladaǵy álemniń úzdik kompaniialaryn tartyp jatyrmyz. «Nege?» deseńiz, eger lotereia salasy jaqsy damysa, onda býkmekerlik keńseler men totalizatorlarda otyrǵan jastardyń barlyǵyn lotereiaǵa shyǵarýǵa bolady. Bul - álemdik tájiribe. Ol úshin lotereiany ashyq salaǵa ainaldyrǵan mańyzdy», - dep atap kórsetti Arystanbek Muxamediuly.
Aita keteiik, búgin ministr qoǵamdyq keńes músheleri aldynda esep berdi. Arystanbek Muxamediulynyń aitýynsha, sportqa arnalǵan jańa zańnama boiynsha árbir oblys ózine tán sport túrin damytatyn bolady.
.jpeg)