Túrkiianyń Uly Ulttyq Májilisiniń tóraǵasy Mustafa Shentop Qazaqstannyń Tuńǵysh Prezidenti Nursultan Nazarbaevtyń bastamalary búkil álem úshin zor mańyzǵa ie dep sanaidy. Bul týraly Májilistiń baspasóz qyzmeti habarlady.
Tuńǵysh Prezident kúnine orai «Elbasy N.Á.Nazarbaevtyń Qazaqstandaǵy parlamentarizmniń qalyptasýy men damýyndaǵy róli» atty Májilis uiymdastyrǵan halyqaralyq konferentsiiada sóz sóilegen Túrkiia Parlamentiniń Spikeri Mustafa Shentop Qazaqstan men Túrkiia tereń tarihi jáne mádeni bailanystardy jalǵastyratyn eki dostas jáne baýyrlas halyq ekenin aitty.
Mustafa Shentoptyń aitýynsha, Túrkiia Qazaqstandy Ortalyq Aziiadaǵy mańyzdy saiasi jáne ekonomikalyq seriktes jáne óńirdegi turaqtylyq pen beibitshiliktiń kepili retinde qarastyrady.
Mustafa Shentop Qazaqstannyń Tuńǵysh Prezidenti Nursultan Ábishuly Nazarbaevtyń memlekettiliktiń qalyptasýy men eldiń ekonomikalyq damýyndaǵy ǵana emes, sonymen birge Qazaqstandy beibitshilikti nyǵaitý isinde kóshbasshy bolyp tabylatyn qýatty memleketke ainaldyrýdaǵy tarihi rólin atap ótti.
«Qazaqstannyń údemeli damýynda Elbasy Nursultan Nazarbaevtyń demokratiiany, adam quqyqtaryn jáne zańnyń ústemdigin damytý jolynda qolǵa alǵan qadamdary mańyzdy oryn alatyny sózsiz», - dedi túrik Parlamentiniń ókili.
Nursultan Nazarbaev myqty kóshbasshylyq qasiettermen qatar demokratiiany nyǵaityp, Qazaqstandy jańǵyrta bilgen, bul rette myzǵymas erik-jiger tanytqan sirek kezdesetin saiasatkerlerdiń biri ekenine Túrkiia Uly Ulttyq Jinalysynyń Tóraǵasy erekshe toqtaldy.
Sonymen qatar konferentsiiada talqylanǵan máselelerdiń ózektiligi men mańyzdylyǵyn nazar aýdarǵan Mustafa Shentop Qazaqstannyń Tuńǵysh Prezidenti Nursultan Nazarbaevtyń parlamentarizm men parlamenttik mádenietti damytýǵa qosqan úlesin de atap ótti.
«Nursultan Nazarbaev - jol kórsetetin jáne óte dana tulǵa. Sondyqtan onyń qundy kózqarastary men kóregendigin búkil álem qoldanýy kerek», - dedi Mustafa Shentop.
.jpeg)