Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin jumys saparymen Túrkistan oblysynda boldy.
Vedomstvo basshysy óńirdi tsifrlandyrý barysymen tanysyp, birqatar nysandardy aralady, dep habarlaidy "Ult aqparat" ministrliktiń resmi saityna silteme jasap.
Ministr Ordabasy aýdany Badam aýylyndaǵy tehnologiialyq sút-taýar fermasyna (STF) bardy. STF jetekshi eýropalyq óndirýshilerdiń ozyq tehnologiialarymen jabdyqtalǵan. Baǵdat Mýsinge siyr saýýǵa arnalǵan avtomattandyrylǵan robottardy, siyrlardy tazartý júiesin, siyrlardyń jai-kúiin diagnostikalaýdy jáne t.b. qamtityn aýyl sharýashylyǵynyń tehnologiialyq úderisterin avtomattandyrý jobasy tanystyryldy.
Vedomstvo basshysy aýyldyq eldi mekenderdi internetke mobildi keńjolaqty qoljetimdilikpen qamtamasyz etý jónindegi «250+» jobasyna engen Ordabasy aýdanynyń Jýsansai jáne Aqqoily aýyldaryn aralady. Buǵan deiin bul aýyldardyń turǵyndary Internettiń sapasyna shaǵymdanǵan bolatyn.
Eki aýylda da bailanys sapasynyń tómendigin kórsetken ólsheýler júrgizildi. Sol jerde hattama toltyryldy. Operatorlar, óz kezeginde, osy jyldyń maýsymyna deiin máseleni sheshýge ýáde berdi.
«Biz retteýshi retinde operatorlarǵa aýyl turǵyndary qanaǵattanatyn sapaly bailanys usynylǵanǵa deiin aiyppuldardy sala beremiz», – dep atap ótti Baǵdat Mýsin Jýsansai aýylynyń turǵyndarymen kezdesýde.
QR TsDIAÓM buiryq jobasyn ázirlenin, oǵan sáikes bailanys sapasynyń kórsetkishteri (3G úshin 1 MBit/s, 4G úshin 5 MBit/s) anyqtalǵanyn atap ótý qajet.
Óńirge sapary aiasynda Ministr «Turkistan 109» biryńǵai bailanys ortalyǵynyń jumysymen tanysty. Túrkistan qalasynyń ákimi Rashid Aiýpovtyń aitýynsha, resmi ashylýdan bastap (2020 jylǵy 20 qarasha) qalanyń tynys-tirshiliginiń túrli salalarynda: sýmen jabdyqtaý, gazben jabdyqtaý, elektrmen jabdyqtaý, qoǵamdyq kólik, bilim berý jáne t.b. 12 myńnan astam ótinish qabyldanǵan.
Sondai-aq, vedomstvo basshysy Kentaý transformator zaýytynda bolyp, óndiristi avtomattandyrýmen tanysty. Buǵan deiin zaýyt QR TsDIAÓM qýatty transformatorlardy daiyndaý boiynsha tehnologiialyq protsesti robottandyrýǵa innovatsiialyq grant aldy.
Budan basqa, Baǵdat Mýsin «Azamattarǵa arnalǵan úkimet» memlekettik korporatsiiasy» KE AQ oblystyq filialynyń jumysyna baǵa berip, memlekettik korporatsiia ujymymen kezdesti.
Ministr Memleket basshysy Qasym-Jomart Toqaevqa baiandamasyna sáikes el boiynsha 115 Halyqqa qyzmet kórsetý ortalyǵyn jańǵyrtý jáne Memlekettik korporatsiianyń kadr rezervi arqyly kadrlyq áleýetin arttyrý josparlary týraly aityldy.
