Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin tanymal advokat Johar Ótebekovtyń eGov-qa qatysty shaǵymyna jaýap berdi, dep habarlaidy QazAqparat.
Aita ketsek, buǵan deiin Johar Ótebekov eGov.kz portalyn synǵa alǵan edi. Onyń aitýynsha «Elektrondy úkimetke» júkteýge bolatyn faildar beske, al kólemi 10 MB-ǵa deiin azaiǵan. Advokattyń klienti politsiiaǵa salmaqty faildarǵa salynǵan aryzyn engize almapty. Sonymen birge Johar Ótebekov TJ kezinde 42 500 teńge ala almai álek bolǵan azamattardyń máselesin kóterip, nelikten sol tusta «Ulttyq aqparattyq tehnologiialar» kompaniiasynyń basshysyn jumystan shyǵarylmaǵanyn suraǵan bolatyn.
Advokattyń bul shaǵymyna Baǵdat Mýsin Facebook paraqshasynda jaýap berdi.
Onyń habarlaýynsha eGov.kz budan bylai onlain rejimde memlekettik qyzmet kórsetetin monopoliialyq tereze bolmaidy. Iaǵni, memlekettik qyzmetti budan bylai barlyq jerde, tipti Kaspii banktiń mobildi qosymshasynan da alýǵa bolady. Jýyq arada jumys tolyqqandy retke keltirilip, ministrlik bul ózgerister týraly málimet taratpaq.
«Sondai-aq eGovMobile-ǵa kirý biometriia boiynsha júrgiziledi. Iaǵni, kez kelgen azamat mobildi qosymshany júktep alyp, telefonǵa júzin kórsetse boldy, qoldanýshy bolyp shyǵa keledi. Tipti bul ádis óz tarapynan ETsQ-ny da almastyrýǵa qaýqarly. Ótinishtermen jumys isteý ádisin WhatsApp-qa mátin jazǵandai jeńil etkimiz keledi», - deidi ol.
Ministrdiń aitýynsha «Ulttyq aqparattyq tehnologiialar» kompaniiasyna úlken jaýapkershilik júktelgen. Alaida bul baǵyttaǵy quzyretterdiń birshamasy ministrlikterge bólingen.
«Jańǵyrý kerektigin bilemiz. Sol baǵytta jumys ta júrgizemiz», - deidi ol.
