Qarjylyq keńesshi Rasýl Rysmambetov munai baǵasy men teńgeniń dollarǵa baǵamy jóninde óz boljamyn jariialady, dep habarlaidy QazAqparat.
«8 naýryz kúni jeksenbide munai naryǵy shaiqala bastady, al dúisenbi kúni 9 naýryzda «qulady». Onyń artynan qarjy naryqtary da quldyrady. Sońǵy 29 jyldaǵy munai baǵasynyń mundai tómendeýiniń sebebi – OPEK + quramyndaǵy elder arasynda «qara altyn» óndirisin qysqartý týraly kelisimniń bolmaýy edi. Qazaqstan buǵan ne istedi? Munai baǵasynyń kúrt quldyraýy ulttyq valiýtanyń álsireýine yqpal etti. Elimizdegi aiyrbastaý oryndarynda bir dollar baǵamy 400 teńgeden asty, qazirgi ýaqytta 406 teńgege deńgeiinde belgilendi», - dep jazdy Rasýl Rysmambetov Facebook-tegi paraqshasynda.
Sarapshynyń aitýynsha, aiyrbastaý baǵamy syrtqy soqqyna qabyldady. Osy aptanyń qorytyndysy boiynsha valiýta naryǵyndaǵy saýda-sattyq kólemi ortasha kúndik deńgeiden 3 ese joǵary bolǵan.
«Bul kúnderi naryq shamadan tys reaktsiia baiqatty, degenmen teńge kúrt álsiremedi. 10 naýryzda Ulttyq bank valiýtalyq interventsiialar júrgizgenin jáne qajet bolǵan jaǵdaida bul interventsiiany jalǵastyratynyn málimdedi. Solai bolǵan tárizdi, sebebi 400 teńgelik shekti birtindep eńserdik. Munai baǵasynyń apatty túrde tómendeýi, bizdiń negizgi saýda seriktesimizdiń valiýtasy – resei rýbliniń álsireýi syndy syrtqy naryqtaǵy aýqymdy negativten keiin qor naryǵyndaǵy quldyraý jaǵdaiy ońala bastady», - deidi sarapshy.
Onyń aitýynsha, Ulttyq banktiń stavkany 12%-ǵa deiin kóterý týraly sheshimi kesh bolsa da, jaǵdaidy turaqtandyrýǵa oń yqpal etti. Birneshe bankte teńgedegi depozitter boiynsha mólsherleme ósti. Is júzinde bul qadam teńgelik depozitterden dollarǵa aýysýdy báseńdetýi jáne dollarǵa suranysty azaitýy tiis.
«Menińshe, álsiz ekonomika úshin Úkimetti jáne úlken kólemde valiýtany joia bastasa Ulttyq bankti synǵa alý qajet. Alaida osy eki kún psihologiialyq turǵyda da mańyzdy boldy. Ári qarai ne bolmaq? Munaidyń qymbattaýy ábden múmkin. Saýd Arabiiasy men onyń arab kórshileri qandai myqty bolsa da, eshkim Reseimen daý-damaý úshin aqsha joǵaltqysy kelmeidi. Koronavirýsty da umytpaǵan jón. Biraq Qytai arzan munai satyp aldy jáne meniń oiymsha, ekonomika munaisyz uzaq ýaqytqa shydamaidy.
Búginde syrtqy faktorlardyń oń dinamikasyna kýá bolyp otyrmyz: munai baǵasy birtindep turaqtanyp keledi, barreline 35 dollarǵa deiin kóterildi. Rýbl bir dollarǵa 75,5-ten 72,5 rýblge deiin nyǵaidy. Tómenge quldyraǵan qor indeksteri de óse bastady. Eýropalyq indekster ortasha eseppen 4%-ǵa ósti. Bul – bizdiń naryq úshin óte jaqsy belgi. Munaidy qosa alǵanda, naryqtyń sońǵy málimetterin eskersek, teńge turaqtanyp, nyǵaia bastaýy tiis», - dedi R. Rysmambetov.
