QR Energetika ministri Bolat Aqsholaqov munai baǵasynyń qymbattaýy Qazaqstandaǵy janarmai baǵasyna qalai áser etetinin túsindirdi, dep habarlaidy QazAqparat.
«Ózderińiz bilesizder, qazir bizde munai baǵasy belgilengen, rettelip otyr. Ishki naryqtaǵy munai baǵasynyń álemdik baǵamen eshqandai bailanysy joq. Tipti halyqaralyq baǵa ósse de, ishtegi baǵaǵa tikelei áseri bolmaidy. Biz ishtegi baǵa ósedi dep kútip otyrǵan joqpyz», - dedi vedomstvo basshysy.
Ministrdiń aitýynsha, eldegi munai ónimderi óz shikizatymyzdan ári óz zaýyttarymyzda óńdeletindikten, syrtqy naryqtaǵy baǵaǵa táýeldi emes.
«Syrtqy naryqta jyl basynda munaidyń baǵasy 80 dollardan tómen bolsa, qazir 100-den asyp tur. Al ishtegi baǵa ózgergen joq. Tarihi ólshemmen qarasaq ta halyqaralyq naryqtaǵy eksport baǵasy men munai ónimderiniń ishki baǵasynyń arasynda korelliatsiia joq. Óitkeni biz janarmaidy óz munaiymyzdan, óz zaýyttarymyzda óndiremiz. Eger importtaǵan bolsaq, shynymen de óte qatty táýeldilik bolar edi. Biraq biz ózimiz óndiremiz. Iaǵni, bizde ishki baǵany ustap otyrý múmkindigi bar», - dedi Energetika ministri.
