Munaidyń bir barreliniń quny 200 dollarǵa deiin jetýi múmkin. Bul týraly Energetika ministri Bolat Aqsholaqov aitty, dep habarlaidy QazAqparat.
Búgin Májiliste tilshiler ministrden munai baǵasy qandai deńgeige deiin qymbattaýy múmkin ekenin surady.
«Barlyǵy geosaiasi ahýalǵa bailanysty. Bir barreldiń quny 200 dollarǵa deiin jetýi múmkin ekenin joqqa shyǵarýǵa bolmaidy. Kezinde Resei úkimeti tóraǵasynyń orynbasary Aleksandr Novak munaidyń barreliniń quny 350 dollar bolýy múmkin ekenin aitqan edi. Bul salada túrli stsenariiler bar», - dedi Aqsholaqov.
Onyń aitýynsha, qazirgi kezde Qazaqstan 87,5 mln tonna munai óndiredi, onyń ishinde ishki qajettilik - 18 mln tonna.
«Munaidyń eleýli bóligi eksportqa shyǵady. Sondyqtan munaidy qymbat baǵaǵa ótkizýden utarymyz anyq», - dedi ministr.
