Meirambek Besbaevtyń 50 jas mereitoiynda aýktsion ótkizilip, saýdaǵa qoiylǵan dombyra 16 million teńgege satyldy, dep habarlaidy ult.kz.

Toi ústindegi bássaýdaǵa qatysqan ánshi Zattybek Kópbosynuly ulttyq aspap úshin osyndai soma usynǵan. Nátijesinde eń joǵary baǵa aitqan óner iesi dombyranyń jańa iesi atandy.

Aita keteiik, Ánshi Meirambek Besbaevtyń 50 jas mereitoiynda kezinde ABK tobynda birge óner kórsetken Medeý Arynbaev, Qydyráli Bolmanov jáne Erlan Kókeev bas qosty. 

Zattybek Kópbosynuly kim? 
 

Zattybek Kópbosynuly — qazaq estradasynyń ánshisi, sazger ári termeshi. Ol 1974 jyly qazirgi Túrkistan oblysy Báidibek aýdanynyń Keńes aýylynda dúniege kelgen. Óner jolyn 1995 jyly «Shaldar» balalar saz mektebinde muǵalim bolyp bastaǵan.

Keiin mádeniet úiinde kórkemdik jetekshi qyzmetin atqaryp, «Shanshar» teatrynda óner kórsetken. Shymkenttegi mektepterde mýzyka men dombyradan sabaq bergen. Respýblikalyq «Shalqar termesi» baiqaýynyń laýreaty atanǵan. 

Tyńdarmanǵa «Ańsaǵanym», «Ádemi», «Saǵan gúlim», «Súikimdi», «Asyl kógershin» sekildi ánderimen tanys. Zattybek án oryndaýmen qatar, ózge ánshilerge de shyǵarma jazady. Onyń týyndylarynyń arasynda mahabbat, saǵynysh pen týǵan jer taqyrybyndaǵy ánder bar.