مۇنايدىڭ بٸر باررەلٸنٸڭ قۇنى 200 دوللارعا دەيٸن جەتۋٸ مٷمكٸن. بۇل تۋرالى ەنەرگەتيكا مينيسترٸ بولات اقشولاقوۆ ايتتى, دەپ حابارلايدى قازاقپارات.
بٷگٸن مەجٸلٸستە تٸلشٸلەر مينيستردەن مۇناي باعاسى قانداي دەڭگەيگە دەيٸن قىمباتتاۋى مٷمكٸن ەكەنٸن سۇرادى.
«بارلىعى گەوساياسي احۋالعا بايلانىستى. بٸر باررەلدٸڭ قۇنى 200 دوللارعا دەيٸن جەتۋٸ مٷمكٸن ەكەنٸن جوققا شىعارۋعا بولمايدى. كەزٸندە رەسەي ٷكٸمەتٸ تٶراعاسىنىڭ ورىنباسارى الەكساندر نوۆاك مۇنايدىڭ باررەلٸنٸڭ قۇنى 350 دوللار بولۋى مٷمكٸن ەكەنٸن ايتقان ەدٸ. بۇل سالادا تٷرلٸ ستسەنارييلەر بار», - دەدٸ اقشولاقوۆ.
ونىڭ ايتۋىنشا, قازٸرگٸ كەزدە قازاقستان 87,5 ملن توننا مۇناي ٶندٸرەدٸ, ونىڭ ٸشٸندە ٸشكٸ قاجەتتٸلٸك - 18 ملن توننا.
«مۇنايدىڭ ەلەۋلٸ بٶلٸگٸ ەكسپورتقا شىعادى. سوندىقتان مۇنايدى قىمبات باعاعا ٶتكٸزۋدەن ۇتارىمىز انىق», - دەدٸ مينيستر.
