- Qazaqstannyń munai óńdeý zaýyttary 2016 jyly 54 milliard teńge salyq tóledi, dep habarlady finprom.kz.
Mamandardyń deregine súiensek, aǵymdaǵy jyldyń 10 aiynda munai óńdeý kásiporyndary 2015 jylmen salystyrǵanda 0,6%-ǵa artyq ónim óndirgen. Munai óńdeý mekemelerindegi daiyn ónim belsendiligine degen suranys artyp, kásiporyn shyǵaratyn ónimniń barlyǵy derlik júzege asyrylýda. Qoimadaǵy óndirilgen benzinniń qalǵan kólemi qazan aiynda, osymen úshinshi jyl 3 myń tonnadan aspaǵan. Dizel otynyna degen suranys ta ósken. Óndirýshilerdiń qoimalarynda 1,6 myń tonna qalyp tur. Byltyrǵy jylmen salystyrǵanda qalǵan ónim kólemi 2 ese azaiǵan. Daiyn ónimdi óndirý jáne baǵamynyń ósýi tiisinshe munai óńdeý kásiporyndarynyń memleketke salyq tóleý arqyly qaitarymyn ulǵaitady. Aiaqtalmaǵan 2016 jyly úsh qazaqstandyq MÓZ memlekettik biýdjetke sáikesinshe 54 milliard teńge tólegen. 2015 jyldaǵy salyq tóleý somasynan 61% kóbeigen.
Aita keteiik, memlekettik biýdjetke salyq tóleý arqyly kómek berip otyrǵan kásiporyndardyń biri PetroKazahstan Oil Prodakts (Shymkenttik MÓZ). Mekeme 24 milliardtan astam teńge, iaǵni 2015 jylmen salystyrǵanda 2 ese kóp qarjy tólegen.
.jpeg)