QR Energetika ministri Bolat Aqsholaqov eldegi munai óńdeý zaýyttaryn jóndeý jumystarynyń eginshiler úshin mańyzdy naýqanmen qatar kelmeýine kúsh salynyp jatqanyn aitty, dep habarlaidy QazAqparat.
«Munai óńdeý zaýytttarynyń jóndeý merzimin aýylsharýashylyq taýar óndirýshilerge dizel otynyn jóneltý kezeńimen úilestirý baǵytynda mynadai sharalardy qolǵa almaqshymyz.
Aýylsharýashylyq taýar óndirýshilerdiń qajettiligen kerek dizeldik otyndy jóneltý 2022 jyldyń aqpan aiynan bastalady. Bul kóbinese ońtústik óńirlerge qatysty. Jyl saiyn bul maqsatqa 800-850 myń tonna bólý josparlanǵan. Bul - eki maýsymǵa degen sóz. Iaǵni, egis jáne oraq naýqanyna baǵyttalady», - dedi ministr.
Sondai-aq ol biyl jóndeýden ótetin eki zaýyttyń jóndeý merzimi shegeriletinin eskertti.
«Shymkenttegi munai óńdeý zaýytynyń jóndeý merzimin 2022 jyldyń qarashasynan 2023 jylǵa jyljytý máselesi boiynsha jumys júrip jatyr. Al Pavlordadaǵy zaýytty jóndeý merzimin biylǵy maýsym aiynan shildeniń ortasyna jyljytý kózdelip otyr. Iaǵni, jóndeý jumystary kóktemgi egis aiaqtalǵannan keiin ǵana jóndeýge jabylýy kerek», - dedi Bolat Aqsholaqov.
