Qazirgi tańda munai-gaz salasynda ónimin ótkize almai júrgen kompaniialar joq. Bul týraly QR Energetika ministri Nurlan Noǵaev Ortalyq kommýnikatsiialar qyzmetinde ótken onlain brifingte aitty, – dep habarlaidy QazAqparat.
«Qazirgi tańda munai-gaz salasynda ónimin ótkize almai júrgen kompaniialar joq. Barlyǵy múmkindikteri boiynsha Atyraý –Samara jáne Atasý-Alashankoý munai qubyry arqyly jáne temirjolmen basqa da taraptarǵa ótkizip jatyr. Ishki naryqta munai óńdeý zaýyttarynda óńdeý protsesteri de uiymdastyryldy. Biz munai óndirýshi kompaniialardyń ónimderin ótkizý úshin Úkimet qabyldaǵan sheshimderge, iaǵni kedendik baj salyǵyn alyp tastaý jóninde, kedendik odaqtyń syrtynda munai ónimderin shyǵarý jónindegi máselelerdi taǵy da ákimshilik qoldaýlardy, retteýlerdi qabyldadyq», - deidi QR Energetika ministri Nurlan Noǵaev.
Onyń aitýynsha, pandemiiaǵa qarsy ekonomikalyq belsendilik tómendegen kezde munai ónimderin tutyný kólemi de azaidy.
«Qazirgi Úkimet qabyldaǵan sheshimderge sáikes munai óńdeý zaýyttary óz jumysyn toqtatqan joq. Pavlodar munai óńdeý zaýyty 8 maýsymǵa deiin jóndeý jumystaryn júrgizip jatyr. Ol bitkennen keiin turaqty jumysyn atqaratyn bolady», - deidi ol.
