Qazaqstandaǵy munai óńdeý zaýyttary minimaldy tehnologiialyq rejimge kóshirildi. Bul týraly QR Energetika vitse-ministri Áset Maǵaýov málim etti, dep habarlaidy "Ult aqparat".
«Biz munai óńdeý zaýyttaryn minimaldy tehnologiialyq rejimge kóshirdik. Bul sharalar janar-jaǵarmai materialdaryn saqtaý qoimalarynyń tolyp ketýin boldyrmaýǵa baǵyttalǵan. Osyndai jaǵdai Resei boiynsha baiqalyp otyr. Karantin sharalarynyń birtindep jeńildetilýin eskere otyryp, munai ónimderin paidalaný boiynsha aldaǵy ýaqytta ońtaily qarqyndy kóretin bolamyz», - dedi vitse-ministr Ortalyq kommýnikatsiialar qyzmetinde.
Sonymen qatar ol dizel otynyn ótkizýge qatysty jaǵdaiǵa toqtaldy.
«Qazirgi kezde dizel otyny boiynsha eshqandai problemany kórip turǵanymyz joq. Kóktemgi egis jumystarynyń arqasynda júk kólikterine dizel otynynyń qajettigi tiisti deńgeige kóterildi», - dedi Áset Maǵaýov.
