قازاقستانداعى مۇناي ٶڭدەۋ زاۋىتتارى مينيمالدى تەحنولوگييالىق رەجيمگە كٶشٸرٸلدٸ. بۇل تۋرالى قر ەنەرگەتيكا ۆيتسە-مينيسترٸ ەسەت ماعاۋوۆ مەلٸم ەتتٸ, دەپ حابارلايدى "ۇلت اقپارات".
«بٸز مۇناي ٶڭدەۋ زاۋىتتارىن مينيمالدى تەحنولوگييالىق رەجيمگە كٶشٸردٸك. بۇل شارالار جانار-جاعارماي ماتەريالدارىن ساقتاۋ قويمالارىنىڭ تولىپ كەتۋٸن بولدىرماۋعا باعىتتالعان. وسىنداي جاعداي رەسەي بويىنشا بايقالىپ وتىر. كارانتين شارالارىنىڭ بٸرتٸندەپ جەڭٸلدەتٸلۋٸن ەسكەرە وتىرىپ, مۇناي ٶنٸمدەرٸن پايدالانۋ بويىنشا الداعى ۋاقىتتا وڭتايلى قارقىندى كٶرەتٸن بولامىز», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندە.
سونىمەن قاتار ول ديزەل وتىنىن ٶتكٸزۋگە قاتىستى جاعدايعا توقتالدى.
«قازٸرگٸ كەزدە ديزەل وتىنى بويىنشا ەشقانداي پروبلەمانى كٶرٸپ تۇرعانىمىز جوق. كٶكتەمگٸ ەگٸس جۇمىستارىنىڭ ارقاسىندا جٷك كٶلٸكتەرٸنە ديزەل وتىنىنىڭ قاجەتتٸگٸ تيٸستٸ دەڭگەيگە كٶتەرٸلدٸ», - دەدٸ ەسەت ماعاۋوۆ.
