Aqpan-sáýir ailarynyń arasynda diqandarǵa kóktemgi egis jumystary úshin 231 myń tonna dizel otyny jetkizilgen. Bul diqandardan túsken ótinim kóleminiń 92 paiyzyna teń, dep habarlaidy QazAqparat.
Atalmysh derekti QR Energetika vitse-ministri Áset Maǵaýov Ortalyq kommýnikatsiialar qyzmetinde ótken brifingide aitty.
«Memleket basshysynyń tapsyrmasyn oryndaý, sondai-aq kóktemgi egis jumystaryn ýaqtyly jáne qalypty júrgizý úshin aýyl sharýashylyǵy taýaryn óndirýshilerge 400 myń tonna dizel otyny bólindi. 2022 jyldyń aqpan-sáýir ailarynda naqty 231 myń tonna nemese 92% jetkizildi», - dedi ministrdiń orynbasary.
Onyń aitýynsha, qajetti janarmai ónimderin tiep-jóneltý jumystaryna táýlik saiyn baqylaý jáne monitoringteý júrip otyr.
«Kóktemgi egis jumystaryna arnalǵan dizel otynynyń baǵasy munai óńdeý zaýyttarynda 1 tonnasy úshin 212 myń teńge (litrine 176 teńge). Óńirlerge deiin jetkizýdi jáne saqtaýdy eskere otyryp, aýyl sharýashylyǵy taýarlaryn óndirýshiler úshin boljamdy baǵa bólshek saýda baǵasynan ortasha alǵanda 15-30% tómen bolady. 2019 jylmen salystyrǵanda baǵa ósimi 8,4%-dy quraidy nemese jyl saiynǵy ósimniń 3%-ynan aspaidy», - dedi Áset Maǵaýov.
