اقپان-سەۋٸر ايلارىنىڭ اراسىندا ديقاندارعا كٶكتەمگٸ ەگٸس جۇمىستارى ٷشٸن 231 مىڭ توننا ديزەل وتىنى جەتكٸزٸلگەن. بۇل ديقانداردان تٷسكەن ٶتٸنٸم كٶلەمٸنٸڭ 92 پايىزىنا تەڭ, دەپ حابارلايدى قازاقپارات.
اتالمىش دەرەكتٸ قر ەنەرگەتيكا ۆيتسە-مينيسترٸ ەسەت ماعاۋوۆ ورتالىق كوممۋنيكاتسييالار قىزمەتٸندە ٶتكەن بريفينگٸدە ايتتى.
«مەملەكەت باسشىسىنىڭ تاپسىرماسىن ورىنداۋ, سونداي-اق كٶكتەمگٸ ەگٸس جۇمىستارىن ۋاقتىلى جەنە قالىپتى جٷرگٸزۋ ٷشٸن اۋىل شارۋاشىلىعى تاۋارىن ٶندٸرۋشٸلەرگە 400 مىڭ توننا ديزەل وتىنى بٶلٸندٸ. 2022 جىلدىڭ اقپان-سەۋٸر ايلارىندا ناقتى 231 مىڭ توننا نەمەسە 92% جەتكٸزٸلدٸ», - دەدٸ مينيستردٸڭ ورىنباسارى.
ونىڭ ايتۋىنشا, قاجەتتٸ جانارماي ٶنٸمدەرٸن تيەپ-جٶنەلتۋ جۇمىستارىنا تەۋلٸك سايىن باقىلاۋ جەنە مونيتورينگتەۋ جٷرٸپ وتىر.
«كٶكتەمگٸ ەگٸس جۇمىستارىنا ارنالعان ديزەل وتىنىنىڭ باعاسى مۇناي ٶڭدەۋ زاۋىتتارىندا 1 تونناسى ٷشٸن 212 مىڭ تەڭگە (ليترٸنە 176 تەڭگە). ٶڭٸرلەرگە دەيٸن جەتكٸزۋدٸ جەنە ساقتاۋدى ەسكەرە وتىرىپ, اۋىل شارۋاشىلىعى تاۋارلارىن ٶندٸرۋشٸلەر ٷشٸن بولجامدى باعا بٶلشەك ساۋدا باعاسىنان ورتاشا العاندا 15-30% تٶمەن بولادى. 2019 جىلمەن سالىستىرعاندا باعا ٶسٸمٸ 8,4%-دى قۇرايدى نەمەسە جىل سايىنعى ٶسٸمنٸڭ 3%-ىنان اسپايدى», - دەدٸ ەسەت ماعاۋوۆ.
