«QazMunaiGaz» UK» AQ munai baǵasynyń kóterilýine bailanysty biýdjetin qaita qarastyra ma? Bul saýalǵa búgin QMG Basqarma tóraǵasynyń orynbasary Dáýren Qarabaev jaýap berdi, dep habarlaidy "Ult aqparat".
«2021 jylǵa arnalǵan qazirgi biýdjet munai baǵasynyń barreline 40 dollar mólsherinde qalypastyrylǵan. Degenmen osy sátte biýdjetti qaita qarastyrýdy josparlap otyrǵanymyz joq. Bul jyl ishinde ortasha baǵanyń qandai deńgeide bolatyndyǵyna qatysty jaittyń aiqyn bolmaýyna bailanysty. Munai baǵasynyń tómendeý yqtimaldyǵyn da joqqa shyǵarmaimyz», - dedi ol onlain brifing barysynda BAQ ókilderiniń saýalyna orai.
Sonymen qatar onyń atap ótýinshe, 2021 jyldyń biýdjeti qalyptastyrylǵan sátte OPEK+ kelisimi aiasyda mundai óndirýge shekteýdiń qandai bolatyndyǵy da belgisiz edi.
«Sondyqtan 2020 jyly qol jetkizgen kórsetkish deńgeiinen munaidy kóbirek óndiremiz dep belgiledik. Soǵan orai munai óndirý jospary da tómen boldy. Biraq jekelegen enshiles uiymdarymyz munai óndirýdegi ózgeristerge bailanysty ózderiniń óndiristik baǵdarlamalaryna túzetýler enigizýi múmkin», - dedi Dáýren Qarabaev.
Sondai-aq, ol «QazMunaiGaz» UK» AQ 2021 jyly óndirýdi josparlap otyrǵan munaidyń boljamdy kólemin jariia etti.
«OPEK+ aiasyndaǵy shekteýlerdiń «QazMunaiGaz» kompaniiasyna da qatysy bar. Biz ai saiyn qansha munai kólemin óndiretinimizdi salanyń retteýshisi – Energetika ministrligimen kelisip otyramyz. Qazirgi ýaqytta jaǵdai jyldam ózgerip turady. Soǵan orai jalpy óndirý kólemi qansha bolatyndyǵyn aitý óte qiyn. Degenmen, onyń 2020 jylǵy deńgeige taiaý bolatyndyǵyn kútemiz. Iaǵni, QazMunaiGazdyń iri jobalardaǵy úlesin esepke alǵanda shamamen 21-22 mln tonna bolmaq», - dedi QMG Basqarma tóraǵasynyń orynbasary Dáýren Qarabaev onlain brifing barysynda BAQ ókilderiniń saýalyna orai.
Buǵan deiin habarlaǵanymyzdai, kompaniianyń túsimi 2019 jylǵy 6 859 mlrd teńgemen salystyrǵanda, 2020 jyly 4 556 mlrd teńgeni qurady. EBITDA kórsetkishi 1 151 mlrd teńge boldy. Kompaniianyń taza paidasy 172 mlrd teńgege jetti. Bos aqsha aǵyny 88 mlrd teńgeni qurady. 2020 jylǵy 31 jeltoqsanda kompaniianyń taza qaryzy 6 162 mln AQSh dollarǵa jetip, 2019 jyldyń sońyndaǵy kórsetkishpen salystyrǵanda 0,2 paiyzǵa tómendedi. Taza qaryz 2019 jylǵy 31 jeltoqsandaǵy kórsetkishpen salystyrǵanda 2020 jylǵy 31 jeltoqsanda 3,4 paiyzǵa tómendep, 9 690 mln AQSh dollaryn qurady.
