«قازمۇنايگاز» ۇك» اق مۇناي باعاسىنىڭ كٶتەرٸلۋٸنە بايلانىستى بيۋدجەتٸن قايتا قاراستىرا ما? بۇل ساۋالعا بٷگٸن قمگ باسقارما تٶراعاسىنىڭ ورىنباسارى دەۋرەن قاراباەۆ جاۋاپ بەردٸ, دەپ حابارلايدى "ۇلت اقپارات".
«2021 جىلعا ارنالعان قازٸرگٸ بيۋدجەت مۇناي باعاسىنىڭ باررەلٸنە 40 دوللار مٶلشەرٸندە قالىپاستىرىلعان. دەگەنمەن وسى سەتتە بيۋدجەتتٸ قايتا قاراستىرۋدى جوسپارلاپ وتىرعانىمىز جوق. بۇل جىل ٸشٸندە ورتاشا باعانىڭ قانداي دەڭگەيدە بولاتىندىعىنا قاتىستى جايتتىڭ ايقىن بولماۋىنا بايلانىستى. مۇناي باعاسىنىڭ تٶمەندەۋ ىقتيمالدىعىن دا جوققا شىعارمايمىز», - دەدٸ ول ونلاين بريفينگ بارىسىندا باق ٶكٸلدەرٸنٸڭ ساۋالىنا وراي.
سونىمەن قاتار ونىڭ اتاپ ٶتۋٸنشە, 2021 جىلدىڭ بيۋدجەتٸ قالىپتاستىرىلعان سەتتە وپەك+ كەلٸسٸمٸ اياسىدا مۇنداي ٶندٸرۋگە شەكتەۋدٸڭ قانداي بولاتىندىعى دا بەلگٸسٸز ەدٸ.
«سوندىقتان 2020 جىلى قول جەتكٸزگەن كٶرسەتكٸش دەڭگەيٸنەن مۇنايدى كٶبٸرەك ٶندٸرەمٸز دەپ بەلگٸلەدٸك. سوعان وراي مۇناي ٶندٸرۋ جوسپارى دا تٶمەن بولدى. بٸراق جەكەلەگەن ەنشٸلەس ۇيىمدارىمىز مۇناي ٶندٸرۋدەگٸ ٶزگەرٸستەرگە بايلانىستى ٶزدەرٸنٸڭ ٶندٸرٸستٸك باعدارلامالارىنا تٷزەتۋلەر ەنٸگٸزۋٸ مٷمكٸن», - دەدٸ دەۋرەن قاراباەۆ.
سونداي-اق, ول «قازمۇنايگاز» ۇك» اق 2021 جىلى ٶندٸرۋدٸ جوسپارلاپ وتىرعان مۇنايدىڭ بولجامدى كٶلەمٸن جارييا ەتتٸ.
«وپەك+ اياسىنداعى شەكتەۋلەردٸڭ «قازمۇنايگاز» كومپانيياسىنا دا قاتىسى بار. بٸز اي سايىن قانشا مۇناي كٶلەمٸن ٶندٸرەتٸنٸمٸزدٸ سالانىڭ رەتتەۋشٸسٸ – ەنەرگەتيكا مينيسترلٸگٸمەن كەلٸسٸپ وتىرامىز. قازٸرگٸ ۋاقىتتا جاعداي جىلدام ٶزگەرٸپ تۇرادى. سوعان وراي جالپى ٶندٸرۋ كٶلەمٸ قانشا بولاتىندىعىن ايتۋ ٶتە قيىن. دەگەنمەن, ونىڭ 2020 جىلعى دەڭگەيگە تاياۋ بولاتىندىعىن كٷتەمٸز. ياعني, قازمۇنايگازدىڭ ٸرٸ جوبالارداعى ٷلەسٸن ەسەپكە العاندا شامامەن 21-22 ملن توننا بولماق», - دەدٸ قمگ باسقارما تٶراعاسىنىڭ ورىنباسارى دەۋرەن قاراباەۆ ونلاين بريفينگ بارىسىندا باق ٶكٸلدەرٸنٸڭ ساۋالىنا وراي.
بۇعان دەيٸن حابارلاعانىمىزداي, كومپانييانىڭ تٷسٸمٸ 2019 جىلعى 6 859 ملرد تەڭگەمەن سالىستىرعاندا, 2020 جىلى 4 556 ملرد تەڭگەنٸ قۇرادى. EBITDA كٶرسەتكٸشٸ 1 151 ملرد تەڭگە بولدى. كومپانييانىڭ تازا پايداسى 172 ملرد تەڭگەگە جەتتٸ. بوس اقشا اعىنى 88 ملرد تەڭگەنٸ قۇرادى. 2020 جىلعى 31 جەلتوقساندا كومپانييانىڭ تازا قارىزى 6 162 ملن اقش دوللارعا جەتٸپ, 2019 جىلدىڭ سوڭىنداعى كٶرسەتكٸشپەن سالىستىرعاندا 0,2 پايىزعا تٶمەندەدٸ. تازا قارىز 2019 جىلعى 31 جەلتوقسانداعى كٶرسەتكٸشپەن سالىستىرعاندا 2020 جىلعى 31 جەلتوقساندا 3,4 پايىزعا تٶمەندەپ, 9 690 ملن اقش دوللارىن قۇرادى.
