sýret ashyq derekkózden alyndy
Jyl basynan beri elimizde 1 mlrd teńgeden astam eńbekaqy qaryzy tólengen. Úkimettiń keńeitilgen keńesinde Premer-Ministrdiń orynbasary Altai Kólginov osyndai málimet berdi, dep habarlaidy QazAqparat.
«Eńbek daýlary boiynsha monitoring turaqty túrde júrgiziledi jáne naqty sharalar qabyldanýda. Onyń nátijesinde 51 kásiporynda problemalar shieleniske jetkizbei sheshildi. Jyl basynan beri jumysshylarǵa 1 mlrd teńgeden astam jalaqy qaryzy óteldi, 8 myń adamnyń quqyqtary qorǵaldy. Eńbek daýlary turaqty baqylaýda. Shielenisterdi boldyrmaý úshin ákimdikterge júieli sharalar qabyldaý tapsyryldy», - dedi ol.
Úkimet basshysynyń orynbasary munai-gaz salasyndaǵy eńbek daýlaryna jeke toqtaldy.
«Munai-gaz kásiporyndary shoǵyrlanǵan batys óńirlerge Úkimet erekshe kóńil bólip otyr. Keibir kásiporyndarda táýekelder saqtalyp otyr. Sondyqtan bul máseleni «Samuryq Qazyna», «QazMunaiGaz» kompaniialary keshendi túrde qarastyrýda. Olarǵa servisti qyzmet kórsetetin kompaniialar jumysshylary úshin bir jyldyq eńbek sharttaryn úsh jylǵa sozý máselelerin qarastyrý tapsyryldy», - dedi Altai Kólginov.
