«Samuryq-Qazyna» UÁQ» AQ aktivterdi basqarý jáne jekeshelendirý jónindegi direktsiia basshysy Almasadam Satqaliev «QazMunaiGaz» kompaniiasynyń IRO-sy nelikten keiinge shegerilgenin túsindirdi, dep habarlaidy QazAqparat.
«Biz «QazMunaiGaz» IRO-synyń merzimin shegerdik. Usynysymyzdy qoldaǵan Úkimetke alǵys aitamyz. Jalpy «QazMunaiGazdy» IRO-ǵa daiyndaý boiynsha aýqymdy jumys júrgizdik. Halyqaralyq sarapshylarmen aqyldasyp, Londonda, AQSh-ta investorlarmen aldyn ala kezdesý ótkizdik. Áitse de munai men gazǵa investitsiia salatyn investorlar dividentterge basa mańyz beretinin bilemiz. Iaǵni qazir munai kompaniialaryna investitsiia salatyn investorlar úshin basty trend – qysqa merzimdi baǵanyń maksimizatsiiasy. Iaǵni olar kompaniianyń óz aktsionerlerine joǵarylatylǵan dividentti berýin kútedi», - dedi Almasadam Satqaliev tikelei efirde ótken baspasóz máslihatynda.
Onyń aitýynsha, qazir munai baǵasynyń asa joǵary bolmai turǵan kezeńinde investorlar tarapynan da qyzyǵýshylyq az. Tiisinshe aktsiialardy satýdan aitarlyqtai qarajat túspeidi.
«Osy logikaǵa súiene otyryp, «QazMunaiGaz» kompaniiasynyń IRO-syn keiinge shegerý týraly sheshim qabyldadyq. Naryqqa taldaý jasai otyryp, munai baǵasyna mańyz beretinimiz anyq. IRO-ǵa daiyndyq jiti júrgizilip, dividenttik saiasatty jetildirýge qatysty tiisti túzetýler engiziledi», - dedi ol.
Eske sala ketsek, Almasadam Satqaliev buǵan deiin 2021 jyly jekeshelendiriletin iri aktivterdiń ishinde tek «Qazposhta» pen «Samuryq energo» bar ekendigin aitqan edi. Sondai-aq 2022 jyly «Air Astana» men «Qazaq Air», sonymen birge «Samuryq-Qazynanyń» taý-ken kompaniiasyn, 2023 jyly Qazaqstan temir jolyn jekeshelendiriletinin málim etken bolatyn. Sonymen qatar Almasadam Satqaliev «Samuryq-Qazyna» aktivterin dál biyl jekeshelendirýdiń aitarlyqtai qaýpi baryn aitqan edi.
