«سامۇرىق-قازىنا» ۇەق» اق اكتيۆتەردٸ باسقارۋ جەنە جەكەشەلەندٸرۋ جٶنٸندەگٸ ديرەكتسييا باسشىسى الماسادام ساتقاليەۆ «قازمۇنايگاز» كومپانيياسىنىڭ ٸرو-سى نەلٸكتەن كەيٸنگە شەگەرٸلگەنٸن تٷسٸندٸردٸ, دەپ حابارلايدى قازاقپارات.
«بٸز «قازمۇنايگاز» ٸرو-سىنىڭ مەرزٸمٸن شەگەردٸك. ۇسىنىسىمىزدى قولداعان ٷكٸمەتكە العىس ايتامىز. جالپى «قازمۇنايگازدى» ٸرو-عا دايىنداۋ بويىنشا اۋقىمدى جۇمىس جٷرگٸزدٸك. حالىقارالىق ساراپشىلارمەن اقىلداسىپ, لوندوندا, اقش-تا ينۆەستورلارمەن الدىن الا كەزدەسۋ ٶتكٸزدٸك. ەيتسە دە مۇناي مەن گازعا ينۆەستيتسييا سالاتىن ينۆەستورلار ديۆيدەنتتەرگە باسا ماڭىز بەرەتٸنٸن بٸلەمٸز. ياعني قازٸر مۇناي كومپانييالارىنا ينۆەستيتسييا سالاتىن ينۆەستورلار ٷشٸن باستى ترەند – قىسقا مەرزٸمدٸ باعانىڭ ماكسيميزاتسيياسى. ياعني ولار كومپانييانىڭ ٶز اكتسيونەرلەرٸنە جوعارىلاتىلعان ديۆيدەنتتٸ بەرۋٸن كٷتەدٸ», - دەدٸ الماسادام ساتقاليەۆ تٸكەلەي ەفيردە ٶتكەن باسپاسٶز مەسليحاتىندا.
ونىڭ ايتۋىنشا, قازٸر مۇناي باعاسىنىڭ اسا جوعارى بولماي تۇرعان كەزەڭٸندە ينۆەستورلار تاراپىنان دا قىزىعۋشىلىق از. تيٸسٸنشە اكتسييالاردى ساتۋدان ايتارلىقتاي قاراجات تٷسپەيدٸ.
«وسى لوگيكاعا سٷيەنە وتىرىپ, «قازمۇنايگاز» كومپانيياسىنىڭ ٸرو-سىن كەيٸنگە شەگەرۋ تۋرالى شەشٸم قابىلدادىق. نارىققا تالداۋ جاساي وتىرىپ, مۇناي باعاسىنا ماڭىز بەرەتٸنٸمٸز انىق. ٸرو-عا دايىندىق جٸتٸ جٷرگٸزٸلٸپ, ديۆيدەنتتٸك ساياساتتى جەتٸلدٸرۋگە قاتىستى تيٸستٸ تٷزەتۋلەر ەنگٸزٸلەدٸ», - دەدٸ ول.
ەسكە سالا كەتسەك, الماسادام ساتقاليەۆ بۇعان دەيٸن 2021 جىلى جەكەشەلەندٸرٸلەتٸن ٸرٸ اكتيۆتەردٸڭ ٸشٸندە تەك «قازپوشتا» پەن «سامۇرىق ەنەرگو» بار ەكەندٸگٸن ايتقان ەدٸ. سونداي-اق 2022 جىلى «Air Astana» مەن «Qazaq Air», سونىمەن بٸرگە «سامۇرىق-قازىنانىڭ» تاۋ-كەن كومپانيياسىن, 2023 جىلى قازاقستان تەمٸر جولىن جەكەشەلەندٸرٸلەتٸنٸن مەلٸم ەتكەن بولاتىن. سونىمەن قاتار الماسادام ساتقاليەۆ «سامۇرىق-قازىنا» اكتيۆتەرٸن دەل بيىل جەكەشەلەندٸرۋدٸڭ ايتارلىقتاي قاۋپٸ بارىن ايتقان ەدٸ.
