Múmkindigi shekteýli jandarǵa qoldaý kórsetý, kómek qolyn sozý, jumyspen qamtý, qoǵamdaǵy róli men quqyǵyn qorǵaý - memleket aldyndaǵy áleýmettik mańyzy joǵary dúnielerdiń biri. Memleket basshysy N.Á.Nazarbaevtyń: "Barlyq múmkindigi shekteýli jandardyń qoǵam ómirine belsendi aralasýy qajet" degeni qoǵamdaǵy múmkindigi shekteýli jandarǵa kómek kórsetýge shaqyrǵan aiqyn úndeý.
Osy maqsatta, respýblika kóleminde kóptegen merekelik sharalar, mańyzdy jobalar óz jalǵasyn taýyp, kóptegen janǵa qýanysh syilap keledi. Jýyrda Qazaqstandaǵy BUU Damý baǵdarlamasynyń qoldaýymen QR Eńbek jáne halyqty áleýmettik qorǵaý ministrligi "Meditsinalyq-áleýmettik saraptama júiesin jańartý jáne múgedek jandardy ońaltý" taqyrybynda konferentsiia uiymdastyrdy.
Áleýmettik mańyzy joǵary konferentsiiaǵa Qazaqstannyń túkpir-túkpirinen kelgen 100-den astam maman qatysty. Atap aitar bolsaq, ortalyq memlekettik organdardyń, qoǵamdyq birlestikterdiń ókilderi, áleýmettik baǵdarlamalar jáne jumyspen qamtý koordinatsiia basqarmalarynyń jetekshileri men mamandary, oblystardyń, respýblikalyq mańyzy bar qalalardyń jáne elordanyń densaýlyq saqtaý basqarmalarynyń, áleýmettik qorǵaý jáne kóshi-qondy baqylaý komitetiniń aimaqtyq departamentteriniń ókilderi belsene qatysyp, múgedek jandardy ońaltý men ómir sapasyn jaqsartý jaiyn ortaǵa saldy.
Konferentsiiaǵa qatysýshylar qatarynda Resei Federatsiiasynyń Eńbek jáne halyqty áleýmettik qorǵaý ministrliginiń «Meditsinalyq-áleýmettik saraptamasy federaldyq biýrosy» MÁSFB ǵylymi-ádistemelik ortalyǵynyń jetekshisi Liýdmila Naýmenko jáne Ázirbaijan Respýblikasynyń Eńbek jáne halyqty áleýmettik qorǵaý ministrliginiń múgedekterdi áleýmettik qorǵaý saiasatynyń basshysy mindetin atqarýshy Sabir Godjaev ta boldy.
Memlekettiń áleýmettik salasyndaǵy mańyzdy baǵyttarynyń biri - osy múmkindigi shekteýli jandardyń quqyǵy men áleýmettik qorǵalýyn qamtamasyz etý. Konferentsiiada memlekettik qurylymdardyń, qoǵamdyq uiymdardyń jáne kásibi qaýymdastyqtyń meditsinalyq-áleýmettik saraptama jáne múgedekterdi ońaltý salasyn reformalaýdaǵy rólin kúsheitý jaiy basty maqsattardyń biri boldy. Sondai-aq basty mindetterdiń biri 2023 jylǵa deiin densaýlyq saqtaý, meditsinalyq-áleýmettik saraptama jáne múgedekterdi ońaltý salasynda múmkindigi shekteýli jandardyń ómir sapasyn jaqsartýdy qamtamasyz etý boiynsha Ulttyq jospardyń jobasyna usynys ázirleý jaiy qaraldy.
Konferentsiia barysynda meditsinalyq-áleýmettik saraptama jáne múgedekterdi ońaltý salasynda memlekettik qyzmet túrlerin damytý, áleýmettik-eńbek salasyn tsifrlandyrý aiasynda «Áleýmettik qyzmet túrleri portaly» jáne «Áleýmettik tirkeý» jobalaryn júzege asyrý, sondai-aq elektrondy densaýlyq júiesin engizý máseleleri talqylandy.
Aita keteiik, statistika boiynsha qazirgi tańda elimizde 674,2 myń múmkindigi shekteýli jan bar eken. Onyń ishinde 62%-y eńbekke qabiletti jasta bolsa, 25,4%-n zeinetkerler quraidy. Al 12,6%-y 18 jasqa tolmaǵan jetkinshekter.
