- Óskemende 100 oryndyq Qazaqstandaǵy múmkindigi shekteýli balalarǵa arnalǵan alǵashqy «Aq niet» mektep internaty salynýda. Óńir basshysy Danial Ahmetov oblystyq bilim berý basqarmasynyń basshysy Aijan Sadyqovamen birge qurylys jumystarynyń barysymen tanysty.
Munda bolashaq internatta turatyndar úshin mekteptiń kúlli aýmaǵy boiynsha tosqaýylsyz orta qurylady. Bul pandýstar, keń dálizder, tabaldyryǵy joq keń esikter, arnaiy jabdyqtalǵan gigiena bólmeleri. Ǵimarat 5 turǵyn sektsiiasynan turady, olardyń árqaisysy 20 tárbielenýshige arnalǵan uiashyqtan turady. Óz kezeginde uiashyq 3 adamnan aspaityn syiymdylyqpen turǵyn bólmelerden, úi tapsyrmalary men oqý pánderi boiynsha derbes jumystar bólmesinen, qosalqy, sanitarlyq-turmystyq úi-jaidan turady.
Sabaqqa arnalǵan bólmeler lingafondyq jabdyqpen jaraqtalǵan.
Internatta sondai-aq dárigerlik arnaiy kabinetterden jáne t.b. quralǵan meditsinalyq pýnkt bar. Mektep internatta mamandar balalarǵa meditsinalyq-psihologiialyq kómek uiymdastyrady. Qabattarda kóz dárigeri, reflektolog, sýrdolog em kabinetteri kózdelgen. Bir sózben aitqanda, jobamen erekshe balalardyń jaily jaǵdaiy úshin qajettiniń bári qarastyrylǵan. Ári, balalar 9 synyptan keiin qala kolledjderinde mamandyq ala alady, dedi ákimge basqarma basshysy.
Onyń aitýynsha, oblystyń qalalary men aýdandarynda tirek-qozǵaltqysh apparaty, kórý, estý, sóileý jaǵynan kemistikteri bar balalardy jinaý boiynsha túsindirý jumystary júrgiziledi. Búginde 76 ótinish kelip tústi. 1-2 synyp oqýshylaryn mektep-internat bazasynda oqytý josparlanýda. 3-11 synyptarǵa inkliýzivti túrde №15, 37, 14 jáne 16 mektepterde ótedi.
Mektep internaty jyldyń aiaǵynda paidalanýǵa berilýi tiis. Qaraý barysynda anyqtalǵandai, qurylysshylardan jumysty 1 qyrkúiekte aiaqtaýdy ótingen, olar ýáde bergen. Ókinishke orai, jumys aiaqtalmady, jyldyń aiaǵynda, iaǵni jobalyq merzimde tapsyrylady. Bir jaǵynan jumystyń oryndaý merzimi qujatqa sáikes keledi.
QazAqparat
