© Photo : CC0 / ArtisticOperations
Premer-ministrdiń birinshi orynbasary Roman Skliar ýtilizatsiialyq alymdy múldem alyp tastaýǵa qatysty óz oiyn aitty, dep habarlaidy Sputnik Qazaqstan tilshisi.
"Negizi, múmkin emes nárse joq qoi. Eshteńeni joqqa shyǵarýǵa bolmaidy. Biraq biryńǵai ekonomikalyq keńistikte otyrǵanymyzdy umytpańyz. Bizdiń kórshilerimizde ol ýtilizatsiialyq alym bar. Al bizde kólik jasaýshylardy jáne tehnika óndirýshilerdi qorǵaityn basqa mehanizm joq", - dedi Skliar jýrnalisterge bergen suhbatynda.
Ekologiia, geologiia jáne tabiǵi resýrstar ministri Serikqali Brekeshev ýtilizatsiialyq alymnyń mólsherin indýstriia jáne infraqurylymdyq damý ministrligi qarastyratynyn jetkizdi.
"Qazir ýtilizatsiialyq alymnyń mólsheri eki esege tómendetildi. Eger indýstriia jáne infraqurylymdy damý ministrliginen basqa stavkalar keletin bolsa, biz ony qarastyrýǵa daiynbyz" , - dep atap kórsetti Brekeshev.
Aita keteri, Qazaqstanda ýtilizatsiialyq alymnyń mólsheri 50 protsentke qysqartylǵan bolatyn. Osy sheshimge deiin kólik ákelgen adamdar da jańa tarifpen tólei alady.
