Foto: 24.kg
Qyrǵyzstannyń Memlekettik ulttyq qaýipsizdik komiteti Ýkraina aýmaǵyndaǵy urys qimyldaryna qatysqan er adamnyń kim ekenin anyqtady, - dep habarlaidy Tengrinews.kz saity 24.kg saityna silteme jasap.
Vedomstvo málimetinshe, ustalǵan azamat 2022 jyly 22 aqpanda Reseige jumys isteýge ketken. Keiin ol jerde qylmys jasap, jaýapkershilikke tartylyp, túzeý mekemeleriniń birinde jazasyn ótegen.
"Resei Federatsiiasynyń qarýly kúshteri Ýkraina aýmaǵynda júrgizgen arnaiy áskeri operatsiia fonynda ony "Vagner" ókilderi qabyldap, kelisimshart negizinde jaýyngerlik tapsyrmalardy oryndaityn áskeri toptardyń qataryna qosqan. Ol 2023 jyldyń 1 tamyzynda Ýkraina aýmaǵynda ustalyp, tergeý qorytyndysy boiynsha qylmystyq is sotqa jiberildi", - delingen habarlamada.
Ustalǵan adamnyń áieli kúieýiniń Máskeýden 8 shildede kelgenin aitty.
Bul - Ýkrainadaǵy soǵysqa qatysqany úshin ustalǵan ekinshi qyrǵyz azamaty. Buǵan deiin Ulttyq qaýipsizdik memlekettik komitetiniń qyzmetkerleri Ýkraina aýmaǵynda soǵys qimyldaryna qatysqan qyrǵyzstandyq Asqar Kýbanychbek ýýlýn ustaǵan bolatyn. Ol 10 jylǵa sottaldy.
