فوتو: 24.kg
قىرعىزستاننىڭ مەملەكەتتٸك ۇلتتىق قاۋٸپسٸزدٸك كوميتەتٸ ۋكراينا اۋماعىنداعى ۇرىس قيمىلدارىنا قاتىسقان ەر ادامنىڭ كٸم ەكەنٸن انىقتادى, - دەپ حابارلايدى Tengrinews.kz سايتى 24.kg سايتىنا سٸلتەمە جاساپ.
ۆەدومستۆو مەلٸمەتٸنشە, ۇستالعان ازامات 2022 جىلى 22 اقپاندا رەسەيگە جۇمىس ٸستەۋگە كەتكەن. كەيٸن ول جەردە قىلمىس جاساپ, جاۋاپكەرشٸلٸككە تارتىلىپ, تٷزەۋ مەكەمەلەرٸنٸڭ بٸرٸندە جازاسىن ٶتەگەن.
"رەسەي فەدەراتسيياسىنىڭ قارۋلى كٷشتەرٸ ۋكراينا اۋماعىندا جٷرگٸزگەن ارنايى ەسكەري وپەراتسييا فونىندا ونى "ۆاگنەر" ٶكٸلدەرٸ قابىلداپ, كەلٸسٸمشارت نەگٸزٸندە جاۋىنگەرلٸك تاپسىرمالاردى ورىندايتىن ەسكەري توپتاردىڭ قاتارىنا قوسقان. ول 2023 جىلدىڭ 1 تامىزىندا ۋكراينا اۋماعىندا ۇستالىپ, تەرگەۋ قورىتىندىسى بويىنشا قىلمىستىق ٸس سوتقا جٸبەرٸلدٸ", - دەلٸنگەن حابارلامادا.
ۇستالعان ادامنىڭ ەيەلٸ كٷيەۋٸنٸڭ مەسكەۋدەن 8 شٸلدەدە كەلگەنٸن ايتتى.
بۇل - ۋكرايناداعى سوعىسقا قاتىسقانى ٷشٸن ۇستالعان ەكٸنشٸ قىرعىز ازاماتى. بۇعان دەيٸن ۇلتتىق قاۋٸپسٸزدٸك مەملەكەتتٸك كوميتەتٸنٸڭ قىزمەتكەرلەرٸ ۋكراينا اۋماعىندا سوعىس قيمىلدارىنا قاتىسقان قىرعىزستاندىق اسقار كۋبانىچبەك ۋۋلۋن ۇستاعان بولاتىن. ول 10 جىلعا سوتتالدى.
