Almaty politsiiasy turǵyndarǵa júgindi, dep habarlaidy "Ult aqparat".
Almaty politsiiasy alaiaqtarǵa aldanyp qalmas úshin qarjy saýatyn arttyrý kerektigin aitty.
«Ókinishke qarai, qylmys bir orynda turmaidy jáne kún saiyn jańa kórinisterge ie bolady. Alaiaqtyq – múliktik qylmystardyń keń taraǵan túri. Onyń ishindegi eń ózektisi – nesie salasyndaǵy alaiaqtyq. Biz nesie berýdiń qolaily sharttary men tez óńdeý merzimi týraly ýáde beretin deldaldarmen bailanys jasamaýdy usynamyz. Ádette mundai adamdar - sizdiń sengishtigińizdi, qarjylyq tehnologiialar men quqyqtyq máseleler salasyndaǵy nashar bilimińizdi paidalanyp, qylmys arqyly baiýǵa umtylatyn áleýetti alaiaqtar», – dedi Almaty qalalyq politsiia departamenti bastyǵynyń orynbasary Rústem Ábdrahmanov.
Onyń aitýynsha, jeńil aqsha tabýdy kózdegender – jaqsy psihologtar, olar azamattardyń senimine tez jáne ońai kiredi.
