QR Syrtqy ister ministri Muhtar Tileýberdi Reformalar jónindegi joǵary keńes tóraǵasynyń orynbasary - QR Prezidentiniń keńesshisi Ser Sýma Chakrabartimen kezdesti, dep habarlaidy QR SIM baspasóz qyzmeti.
Áńgime barysynda SIM basshysy suhbattasýshyǵa EQDB-daǵy prezidenttik kezinde jan-jaqty qoldaý kórsetkeni jáne QR Prezidenti janyndaǵy Sheteldik investorlar keńesinde teń tóraǵalyq etkeni úshin alǵys aitty. Ministr S.Chakrabartidiń baǵa jetpes tájiribesi elimizdiń odan ári serpindi áleýmettik-ekonomikalyq damýyna aitarlyqtai úles qosatynyna senim bildirdi.
M.Tileýberdi suhbattasýshyny diplomatiiany ekonomizatsiialaý jáne COVID-19 jaǵdaiynda sheteldik investitsiialardy tartý boiynsha júrgizilip jatqan jumystar týraly habardar etti.
Óz kezeginde S. Chakrabarti Qazaqstan Eýraziia óńirindegi kapital salý úshin eń tartymdy elderdiń biri bolyp qala beretinin atap ótti. Ol QR Prezidenti Qasym-Jomart Toqaev usynǵan josparlanǵan ózgeristerdiń mańyzdylyǵy men ýaqtylyǵyn atap ótti.
Kezdesý qorytyndysy boiynsha jemisti dialog pen birlesken yntymaqtastyqty jalǵastyrý týraly ýaǵdalastyqqa qol jetkizildi.
