QR Premer-Ministriniń orynbasary – Syrtqy ister ministri Muhtar Tileýberdi taiaý kúnderi koronavirýsqa qarsy vaktsina saldyratynyn aitty, dep habarlaidy "Ult aqparat".
«Otandyq vaktsinany saldyrýdy josparlaǵan edim, onyń tezirek shyǵýyn kútip otyrmyn. Sonymen birge, halyqaralyq is-sharalar kestesi jiilep barady, áriptestermen kelissózder men pikir almasýlar bolady. Memleket basshysy atap ótkendei, múmkindiginshe vaktsina jasaý kerek bolady. Sondyqtan taiaý kúnderi vaktsina saldyrmaqpyn», - dedi Tileýberdi elordada Majarstan Syrtqy ekonomikalyq bailanystar jáne syrtqy ister ministri Peter Siiartomen kelissózderden keiin.
Óz kezeginde Majarstan ministri vaktsinanyń birinshi komponentin alǵanyn, taiaý arada ekinshi komponentin alýǵa baratynyn aitty.
«Majarstanda qarasha aiynda strategiialyq sheshim jasalyp, shyǵystan vaktsina satyp alýǵa qatysty qadamdar boldy. Vaktsinalaý arqyly adam ómirin saqtaýǵa múmkindik bolady dep sanaimyz. Bizde vaktsinany Resei men Qytaidan satyp alý sheshimi qabyldandy. Qazirgi kezde vaktsinalaý boiynsha Majarstan jaqsy kórsetkishke ie boldy, jaqyn arada 2,5 mln adamǵa jetkizemiz», - dedi P. Siiarto.
