قر پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ تاياۋ كٷندەرٸ كوروناۆيرۋسقا قارسى ۆاكتسينا سالدىراتىنىن ايتتى, دەپ حابارلايدى "ۇلت اقپارات".
«وتاندىق ۆاكتسينانى سالدىرۋدى جوسپارلاعان ەدٸم, ونىڭ تەزٸرەك شىعۋىن كٷتٸپ وتىرمىن. سونىمەن بٸرگە, حالىقارالىق ٸس-شارالار كەستەسٸ جيٸلەپ بارادى, ەرٸپتەستەرمەن كەلٸسسٶزدەر مەن پٸكٸر الماسۋلار بولادى. مەملەكەت باسشىسى اتاپ ٶتكەندەي, مٷمكٸندٸگٸنشە ۆاكتسينا جاساۋ كەرەك بولادى. سوندىقتان تاياۋ كٷندەرٸ ۆاكتسينا سالدىرماقپىن», - دەدٸ تٸلەۋبەردٸ ەلوردادا ماجارستان سىرتقى ەكونوميكالىق بايلانىستار جەنە سىرتقى ٸستەر مينيسترٸ پەتەر سييارتومەن كەلٸسسٶزدەردەن كەيٸن.
ٶز كەزەگٸندە ماجارستان مينيسترٸ ۆاكتسينانىڭ بٸرٸنشٸ كومپونەنتٸن العانىن, تاياۋ ارادا ەكٸنشٸ كومپونەنتٸن الۋعا باراتىنىن ايتتى.
«ماجارستاندا قاراشا ايىندا ستراتەگييالىق شەشٸم جاسالىپ, شىعىستان ۆاكتسينا ساتىپ الۋعا قاتىستى قادامدار بولدى. ۆاكتسينالاۋ ارقىلى ادام ٶمٸرٸن ساقتاۋعا مٷمكٸندٸك بولادى دەپ سانايمىز. بٸزدە ۆاكتسينانى رەسەي مەن قىتايدان ساتىپ الۋ شەشٸمٸ قابىلداندى. قازٸرگٸ كەزدە ۆاكتسينالاۋ بويىنشا ماجارستان جاقسى كٶرسەتكٸشكە يە بولدى, جاقىن ارادا 2,5 ملن ادامعا جەتكٸزەمٸز», - دەدٸ پ. سييارتو.
