Məsele saqal men hidjabta emes ərine, məsele - ýahabizmde. Iman júrekte bolý kerek, saqal men shalbarda emes. Al ýahabizm qazaq ulttyq qundalyqtaryn moiyndamaidy. Ýahabtarda "ult" degen uǵym da joq. Qazir jastardyń arasynda bir jaǵynan "orystandyrý", basqa jaǵynan "arabtandyrý" úrdisi júrip jatyr. Ekeýine de jol bermeýimiz kerek.
Qazaq halqy islam dinimen qazir ǵana tanysyp otyrǵan joq, birneshe ǵasyr islamda júrgen halyqpyz. ál-Farabi, Qoja Ahmet Issaýi, Buqar jyraý, Pir Beket, Abai, Shəkərim, Məshhúr Júsip babalarymyzdy barsha əlemniń musylman jamaǵaty moiyndap otyr.
Qazaqta əkeleri tiri jigitter saqaldy qoimaityn. Al qazir jap-jas jigitter saqaldy ósirip məz bop júredi. Saqaldy qoiý úshin qara ter tógip eńbek atqarý qajet emes. Jiberseń, ózi ósedi. Sondyqtan saqal qoiý - qysqa shalbarmen júrý jas jigit úshin eshqandai jetistik emes. Al qara saqal jasqa kelgende, saqal jiberesińder me, joq pa - ózderiń biletin bolasyńdar.
Adamnyń imany júrekte, isteri - adal, taza bolýy kerek. Al ata-babadan qalǵan ulttyq salt dəstúrlerimizge, qazaqy ulttyq qundylyqtarymyzǵa qarsy shyǵý - ol qiianat. Ol ultymyzdy joiýǵa aparatyn jol. Buny jastar uǵyp, qazaqqa jat sektalardan aýlaq júrý kerek.
Muhtar Taijannyń feisbýktaǵy jazbasynan
