úgin 23 shilde kúni H.Dosmuhameov atyndaǵy Atyraý memlekettik ýniversitetinde Jer reformasy jónindegi komissiianyń músheleri halyqpen kezdesip jatyr.
Kezdesý barysynda sóz alǵan qoǵam belsendisi Muhtar Taijan Atyraý oblysynyń ákimi Nurlan Noǵaevqa kezdesýdiń uiymdastyrý sapasy úshin alǵys aitty. Sonymen qatar Taijan oblystaǵy Saraishyq aspan asty mýzeiin saqtap qalý máselesin qozǵady.
- Kezdesýdi joǵary dárejede uiymdastyrǵandaryńyz úshin alǵysym sheksiz. Rahmet, - dep sóz bastady Taijan – Atyraý oblysyndaǵy «Saraishyq» aspan asty mýzeiiniń jaǵdaiy týraly aitqym kelip otyr. Jyl saiyn Jaiyq ózeni ejelgi qalany shaiyp bara jatyr. Bul tarihi mańyzy zor nysandy saqtap qalýǵa kúsh salýyńyzdy suraimyn.
Aita ketelik, Saraishyq - orta ǵasyrlarda Altyn Ordanyń iri saýda jáne ekonomikalyq ortalyǵy. Bul qala Jaiyq ózeniniń qazirgi Atyraý qalasynan 50 km joǵary ornalasqan.
Saraishyq (Sarai-Júk) qalasyn paida bolýyn tarihshy ǵalymdar 13 ǵ., Shyńǵys han men Batý hannyń shapqynshylyǵymen bailanystyrady. Ázirge belgili bolǵan derekterge súiensek, bul oryn týraly jazba málimetter 14 ǵ. alǵashqy jartysynan bastalady da, olarda Saraishyq gúldengen qolóneri men saýda qalasy bolǵandyǵy aitylady.
Ult portaly
