ٷگٸن 23 شٸلدە كٷنٸ ح.دوسمۇحامەوۆ اتىنداعى اتىراۋ مەملەكەتتٸك ۋنيۆەرسيتەتٸندە جەر رەفورماسى جٶنٸندەگٸ كوميسسييانىڭ مٷشەلەرٸ حالىقپەن كەزدەسٸپ جاتىر.
كەزدەسۋ بارىسىندا سٶز العان قوعام بەلسەندٸسٸ مۇحتار تايجان اتىراۋ وبلىسىنىڭ ەكٸمٸ نۇرلان نوعاەۆقا كەزدەسۋدٸڭ ۇيىمداستىرۋ ساپاسى ٷشٸن العىس ايتتى. سونىمەن قاتار تايجان وبلىستاعى سارايشىق اسپان استى مۋزەيٸن ساقتاپ قالۋ مەسەلەسٸن قوزعادى.
- كەزدەسۋدٸ جوعارى دەرەجەدە ۇيىمداستىرعاندارىڭىز ٷشٸن العىسىم شەكسٸز. راحمەت, - دەپ سٶز باستادى تايجان – اتىراۋ وبلىسىنداعى «سارايشىق» اسپان استى مۋزەيٸنٸڭ جاعدايى تۋرالى ايتقىم كەلٸپ وتىر. جىل سايىن جايىق ٶزەنٸ ەجەلگٸ قالانى شايىپ بارا جاتىر. بۇل تاريحي ماڭىزى زور نىساندى ساقتاپ قالۋعا كٷش سالۋىڭىزدى سۇرايمىن.
ايتا كەتەلٸك, سارايشىق - ورتا عاسىرلاردا التىن وردانىڭ ٸرٸ ساۋدا جەنە ەكونوميكالىق ورتالىعى. بۇل قالا جايىق ٶزەنٸنٸڭ قازٸرگٸ اتىراۋ قالاسىنان 50 كم جوعارى ورنالاسقان.
سارايشىق (ساراي-جٷك) قالاسىن پايدا بولۋىن تاريحشى عالىمدار 13 ع., شىڭعىس حان مەن باتۋ حاننىڭ شاپقىنشىلىعىمەن بايلانىستىرادى. ەزٸرگە بەلگٸلٸ بولعان دەرەكتەرگە سٷيەنسەك, بۇل ورىن تۋرالى جازبا مەلٸمەتتەر 14 ع. العاشقى جارتىسىنان باستالادى دا, ولاردا سارايشىق گٷلدەنگەن قولٶنەرٸ مەن ساۋدا قالاسى بولعاندىعى ايتىلادى.
ۇلت پورتالى
