Qoǵam belsendisi, Bolathan Taijan qorynyń prezidenti Muhtar Taijan QR Bilim jáne ǵylym ministri Erlan Saǵadiev jumystaryn synǵa alyp, Elbasy Nursultan Ábishulyna ashyq hat jazdy. Bul týraly ol feisbýktegi jeke paraqshasynda jariialap, hatqa qol qoiýǵa shaqyrdy. "Úsh tuǵyrly til degen pəle toqtatylsyn, ejelgi qazaq tarihy joǵary oqýlyqtarǵa qaitarylsyn, birinshi synypta oqityn balalarǵa Əlippe oqytylsyn, al ministr Saǵadiev otstavkaǵa ketsin" dep jazdy ol. Hattyń tolyq mátini tómendegidei:
"Qurmetti Nursultan Əbishuly!
Siz Úkimetke tapsyrma júktegende únemi atqarýshy bilik jumysynyń ashyqtyǵyn talap etip kelesiz. Ashyqtyq máselesi «100 naqty qadam» Ult josparynda da basymdyqqa ie boldy. Siz jabyqtyǵy men qolǵa alynǵan reformalardy halyqpen birge talqylaýǵa qulyqsyzdyǵy saldarynan túsindirý jumystaryn aqsatyp alǵan, sóitip jaǵdaidy úlken daǵdarysqa aparyp tiregen Úkimet múshelerine birneshe ret laýazymynan bosatýǵa deiingi tártiptik jazalar qoldandyńyz.
«Bolashaqqa baǵdar: rýhani jańǵyrý» baǵdarlamalyq maqalańyzda Siz básekege qabilettilikti, bilimniń saltanat qurýyn, mádeni birtektilikti negizgi basymdyqtardyń qatarynda ataǵan bolatynsyz. Bul Sizdiń eldiń bilim júiesiniń sapasyna, azamattardyń óz tarihyn tereń bilýine, óskeleń urpaqty bilimqumarlyqqa tárbieleýge qanshalyqty joǵary mán beretinińizdiń aiqyn dáleli.
Bilim salasynyń el bolashaǵy aldyndaǵy jaýapkershiligin sezine otyryp, Siz birneshe ret atalǵan saladaǵy reformalardy asqan saqtyqpen, jan-jaqty oilastyryp júrgizýdi, asyǵystyq pen naýqanshyldyqqa jol bermeýdi talap ettińiz.
Alaida, Bilim jáne ǵylym ministri Erlan Saǵadievtiń orta, joǵary jáne joǵary oqý ornynan keiingi bilim júiesin reformalaý jónindegi bastamalary qoǵamda negizdi qorqynysh týǵyzyp otyr. Bilikti mamandardyń jetkiliksizdigi jaǵdaiynda jalpy bilim beretin orta mektepterge tereń oilastyrylmaǵan, iske asýy kúmándi úsh tildi oqytý baǵdarlamasyn engizý orta bilim berý sapasyn óte tómen deńgeige quldyratyp jiberedi. Onymen qosa, eshkim atalǵan stresten bilim alýǵa degen qushtarlyǵy óshetin balalardyń moraldyq-psihologiialyq jaǵdaiyn esepke alyp otyrǵan joq. Osylaisha Siz anyqtap bergen «Bilimniń saltanat qurýyna» qater tónýde.
Ministr Saǵadiev joǵary bilim berý salasynda Qazaqstan tarihy kýrstaryn alyp tastap, atalǵan pándi ǵylym retinde joiyp, ony el tarihynyń betin ǵana qalqyǵan, tek HH ǵasyrdan bastalatyn mektep kýrsymen shektemekshi. Bul mádeni birtektilikti saqtaý men rýhani jańǵyrý múddesine qanshalyqty sai keletinin aitý qiyn.
Joǵary bilimnen keiingi bilim berý salasynda da kúmándi reformalardy kórip otyrmyz. Bilim ministrliginiń birneshe milliardtyq ǵylymi jobalar men zertteýlerdi túrli enshiles qurylymdar arqyly qarjylandyrýynan týǵan kúmándi shyǵyndar týraly otandyq BAQ-ta talai ret másele kóterildi.
Sonymen qatar, reformalardyń ashyqtyǵy men halyqqa túsindirilýi jónindegi Sizdiń tapsyrmańyzdy elemei, ministr Saǵadiev túsindirý jumysynan, onyń ishinde televiziialyq pikir-saiys túrindegi túsindirý sharalarynan úzildi-kesildi bas tartýda. Alaida, densaýlyq saqtaý ministri Birtanovtiń televiziialyq pikir-saiysqa shyǵýy talqylaýdyń dál osy formasynyń qoǵamdaǵy otandyq meditsina salasyndaǵy reformaǵa qatysty keri rezonansty basýda joǵary tiimdiligin kórsetti.
Osy baiandalǵandardy eskere otyryp, ministr Saǵadievtiń qyzmeti qoǵamdyq turaqtylyqqa ziiandy jáne qaýipti, korrýptsiialyq qateri joǵary dep sanaimyz. Osyǵan bailanysty ony qyzmetine laiyqsyzdyǵy jáne qoǵam senimin joǵaltýyna bailanysty Bilim jáne ǵylym ministri laýazymynan bosatýyńyzdy, sondai-aq quqyqqorǵaý organdaryna túrli jariialanymdarda kórsetilgen qarjy jymqyrý faktilerin tekserý jóninde tapsyrma berýińizdi suraimyz."
Qol qoiǵandar:
1. Muhtar Taijan, Bolathan Taijan qorynyń prezidenti, e.ǵ.k.
