قوعام بەلسەندٸسٸ, بولاتحان تايجان قورىنىڭ پرەزيدەنتٸ مۇحتار تايجان قر بٸلٸم جەنە عىلىم مينيسترٸ ەرلان ساعاديەۆ جۇمىستارىن سىنعا الىپ, ەلباسى نۇرسۇلتان ەبٸشۇلىنا اشىق حات جازدى. بۇل تۋرالى ول فەيسبۋكتەگٸ جەكە پاراقشاسىندا جارييالاپ, حاتقا قول قويۋعا شاقىردى. "ٷش تۇعىرلى تٸل دەگەن پəلە توقتاتىلسىن, ەجەلگٸ قازاق تاريحى جوعارى وقۋلىقتارعا قايتارىلسىن, بٸرٸنشٸ سىنىپتا وقيتىن بالالارعا Əلٸپپە وقىتىلسىن, ال مينيستر ساعاديەۆ وتستاۆكاعا كەتسٸن" دەپ جازدى ول. حاتتىڭ تولىق مەتٸنٸ تٶمەندەگٸدەي:
"قۇرمەتتٸ نۇرسۇلتان Əبٸشۇلى!
سٸز ٷكٸمەتكە تاپسىرما جٷكتەگەندە ٷنەمٸ اتقارۋشى بيلٸك جۇمىسىنىڭ اشىقتىعىن تالاپ ەتٸپ كەلەسٸز. اشىقتىق مەسەلەسٸ «100 ناقتى قادام» ۇلت جوسپارىندا دا باسىمدىققا يە بولدى. سٸز جابىقتىعى مەن قولعا الىنعان رەفورمالاردى حالىقپەن بٸرگە تالقىلاۋعا قۇلىقسىزدىعى سالدارىنان تٷسٸندٸرۋ جۇمىستارىن اقساتىپ العان, سٶيتٸپ جاعدايدى ٷلكەن داعدارىسقا اپارىپ تٸرەگەن ٷكٸمەت مٷشەلەرٸنە بٸرنەشە رەت لاۋازىمىنان بوساتۋعا دەيٸنگٸ تەرتٸپتٸك جازالار قولداندىڭىز.
«بولاشاققا باعدار: رۋحاني جاڭعىرۋ» باعدارلامالىق ماقالاڭىزدا سٸز بەسەكەگە قابٸلەتتٸلٸكتٸ, بٸلٸمنٸڭ سالتانات قۇرۋىن, مەدەني بٸرتەكتٸلٸكتٸ نەگٸزگٸ باسىمدىقتاردىڭ قاتارىندا اتاعان بولاتىنسىز. بۇل سٸزدٸڭ ەلدٸڭ بٸلٸم جٷيەسٸنٸڭ ساپاسىنا, ازاماتتاردىڭ ٶز تاريحىن تەرەڭ بٸلۋٸنە, ٶسكەلەڭ ۇرپاقتى بٸلٸمقۇمارلىققا تەربيەلەۋگە قانشالىقتى جوعارى مەن بەرەتٸنٸڭٸزدٸڭ ايقىن دەلەلٸ.
بٸلٸم سالاسىنىڭ ەل بولاشاعى الدىنداعى جاۋاپكەرشٸلٸگٸن سەزٸنە وتىرىپ, سٸز بٸرنەشە رەت اتالعان سالاداعى رەفورمالاردى اسقان ساقتىقپەن, جان-جاقتى ويلاستىرىپ جٷرگٸزۋدٸ, اسىعىستىق پەن ناۋقانشىلدىققا جول بەرمەۋدٸ تالاپ ەتتٸڭٸز.
الايدا, بٸلٸم جەنە عىلىم مينيسترٸ ەرلان ساعاديەۆتٸڭ ورتا, جوعارى جەنە جوعارى وقۋ ورنىنان كەيٸنگٸ بٸلٸم جٷيەسٸن رەفورمالاۋ جٶنٸندەگٸ باستامالارى قوعامدا نەگٸزدٸ قورقىنىش تۋعىزىپ وتىر. بٸلٸكتٸ مامانداردىڭ جەتكٸلٸكسٸزدٸگٸ جاعدايىندا جالپى بٸلٸم بەرەتٸن ورتا مەكتەپتەرگە تەرەڭ ويلاستىرىلماعان, ٸسكە اسۋى كٷمەندٸ ٷش تٸلدٸ وقىتۋ باعدارلاماسىن ەنگٸزۋ ورتا بٸلٸم بەرۋ ساپاسىن ٶتە تٶمەن دەڭگەيگە قۇلدىراتىپ جٸبەرەدٸ. ونىمەن قوسا, ەشكٸم اتالعان سترەستەن بٸلٸم الۋعا دەگەن قۇشتارلىعى ٶشەتٸن بالالاردىڭ مورالدىق-پسيحولوگييالىق جاعدايىن ەسەپكە الىپ وتىرعان جوق. وسىلايشا سٸز انىقتاپ بەرگەن «بٸلٸمنٸڭ سالتانات قۇرۋىنا» قاتەر تٶنۋدە.
مينيستر ساعاديەۆ جوعارى بٸلٸم بەرۋ سالاسىندا قازاقستان تاريحى كۋرستارىن الىپ تاستاپ, اتالعان پەندٸ عىلىم رەتٸندە جويىپ, ونى ەل تاريحىنىڭ بەتٸن عانا قالقىعان, تەك حح عاسىردان باستالاتىن مەكتەپ كۋرسىمەن شەكتەمەكشٸ. بۇل مەدەني بٸرتەكتٸلٸكتٸ ساقتاۋ مەن رۋحاني جاڭعىرۋ مٷددەسٸنە قانشالىقتى ساي كەلەتٸنٸن ايتۋ قيىن.
جوعارى بٸلٸمنەن كەيٸنگٸ بٸلٸم بەرۋ سالاسىندا دا كٷمەندٸ رەفورمالاردى كٶرٸپ وتىرمىز. بٸلٸم مينيسترلٸگٸنٸڭ بٸرنەشە ميللياردتىق عىلىمي جوبالار مەن زەرتتەۋلەردٸ تٷرلٸ ەنشٸلەس قۇرىلىمدار ارقىلى قارجىلاندىرۋىنان تۋعان كٷمەندٸ شىعىندار تۋرالى وتاندىق باق-تا تالاي رەت مەسەلە كٶتەرٸلدٸ.
سونىمەن قاتار, رەفورمالاردىڭ اشىقتىعى مەن حالىققا تٷسٸندٸرٸلۋٸ جٶنٸندەگٸ سٸزدٸڭ تاپسىرماڭىزدى ەلەمەي, مينيستر ساعاديەۆ تٷسٸندٸرۋ جۇمىسىنان, ونىڭ ٸشٸندە تەلەۆيزييالىق پٸكٸر-سايىس تٷرٸندەگٸ تٷسٸندٸرۋ شارالارىنان ٷزٸلدٸ-كەسٸلدٸ باس تارتۋدا. الايدا, دەنساۋلىق ساقتاۋ مينيسترٸ بٸرتانوۆتٸڭ تەلەۆيزييالىق پٸكٸر-سايىسقا شىعۋى تالقىلاۋدىڭ دەل وسى فورماسىنىڭ قوعامداعى وتاندىق مەديتسينا سالاسىنداعى رەفورماعا قاتىستى كەرٸ رەزونانستى باسۋدا جوعارى تيٸمدٸلٸگٸن كٶرسەتتٸ.
وسى باياندالعانداردى ەسكەرە وتىرىپ, مينيستر ساعاديەۆتٸڭ قىزمەتٸ قوعامدىق تۇراقتىلىققا زيياندى جەنە قاۋٸپتٸ, كوررۋپتسييالىق قاتەرٸ جوعارى دەپ سانايمىز. وسىعان بايلانىستى ونى قىزمەتٸنە لايىقسىزدىعى جەنە قوعام سەنٸمٸن جوعالتۋىنا بايلانىستى بٸلٸم جەنە عىلىم مينيسترٸ لاۋازىمىنان بوساتۋىڭىزدى, سونداي-اق قۇقىققورعاۋ ورگاندارىنا تٷرلٸ جارييالانىمداردا كٶرسەتٸلگەن قارجى جىمقىرۋ فاكتٸلەرٸن تەكسەرۋ جٶنٸندە تاپسىرما بەرۋٸڭٸزدٸ سۇرايمىز."
قول قويعاندار:
1. مۇحتار تايجان, بولاتحان تايجان قورىنىڭ پرەزيدەنتٸ, ە.ع.ك.
