Qazaqstan Respýblikasynyń azamattyǵyn berý tártibin qatańdatý kerek. Bul týraly Jer reformasy jónindegi komissiianyń birinshi otyrysynda qoǵam qairatkeri Muhtar Taijan málim etti, dep habarlaidy "Ult aqparat".
«2016 jyly halyq kóshege shyǵyp, jer sheteldikterge jalǵa berilmesin, satylmasyn dep aitty. Qudaiǵa shúkir, Prezident óz sheshimin qabyldady. Sheteldikterge jer satylmaidy da, jalǵa da berilmeidi. Arnaiy zań jobasy Májiliste ekeni belgili», - M. Taijan.
Budan bólek ol Qazaqstan Respýblikasynyń azamattyǵyn berý tártibin qatańdatý kerektigin aitty. Óitkeni, halyqaralyq tájiribe boiynsha azamattyq alý úshin keibir elderde memlekettik tilge, sol eldiń tarihyna qatysty emtihan tapsyrýy kerek. Eń keminde bes jyl turyp, sol elge degen adaldyǵyn dáleldeýi tiis.
«2016 jyly halyq jer eshkimge satylmasyn dep talap etken edi. Sondyqtan Qazaqstan azamattaryna da jerdi jekemenshikke bermeýimiz kerek. Bul turǵyda aýyl sharýashylyǵy maqsatyndaǵy jerlerdi aityp turmyn», - dedi Muhtar Taijan.
