قازاقستان رەسپۋبليكاسىنىڭ ازاماتتىعىن بەرۋ تەرتٸبٸن قاتاڭداتۋ كەرەك. بۇل تۋرالى جەر رەفورماسى جٶنٸندەگٸ كوميسسييانىڭ بٸرٸنشٸ وتىرىسىندا قوعام قايراتكەرٸ مۇحتار تايجان مەلٸم ەتتٸ, دەپ حابارلايدى "ۇلت اقپارات".
«2016 جىلى حالىق كٶشەگە شىعىپ, جەر شەتەلدٸكتەرگە جالعا بەرٸلمەسٸن, ساتىلماسىن دەپ ايتتى. قۇدايعا شٷكٸر, پرەزيدەنت ٶز شەشٸمٸن قابىلدادى. شەتەلدٸكتەرگە جەر ساتىلمايدى دا, جالعا دا بەرٸلمەيدٸ. ارنايى زاڭ جوباسى مەجٸلٸستە ەكەنٸ بەلگٸلٸ», - م. تايجان.
بۇدان بٶلەك ول قازاقستان رەسپۋبليكاسىنىڭ ازاماتتىعىن بەرۋ تەرتٸبٸن قاتاڭداتۋ كەرەكتٸگٸن ايتتى. ٶيتكەنٸ, حالىقارالىق تەجٸريبە بويىنشا ازاماتتىق الۋ ٷشٸن كەيبٸر ەلدەردە مەملەكەتتٸك تٸلگە, سول ەلدٸڭ تاريحىنا قاتىستى ەمتيحان تاپسىرۋى كەرەك. ەڭ كەمٸندە بەس جىل تۇرىپ, سول ەلگە دەگەن ادالدىعىن دەلەلدەۋٸ تيٸس.
«2016 جىلى حالىق جەر ەشكٸمگە ساتىلماسىن دەپ تالاپ ەتكەن ەدٸ. سوندىقتان قازاقستان ازاماتتارىنا دا جەردٸ جەكەمەنشٸككە بەرمەۋٸمٸز كەرەك. بۇل تۇرعىدا اۋىل شارۋاشىلىعى ماقساتىنداعى جەرلەردٸ ايتىپ تۇرمىن», - دەدٸ مۇحتار تايجان.
