Foto: QR MAM
Qazaqstannyń halyq jazýshysy, aqyn, dramatýrg jáne qoǵam qairatkeri Muhtar Shahanov ómirden ótti, dep habarlaidy Ult.kz.
Qaraly habarǵa bailanysty QR Mádeniet jáne aqparat ministrligi marqumnyń otbasy men jaqyndaryna, sondai-aq barsha qazaq jurtyna kóńil aitty.
Muhtar Shahanov – qazaq poeziiasyna jańa tynys ákelip, azamattyq ustanymdy shyǵarmashylyǵymen ushtastyra bilgen biregei tulǵa edi. Onyń tereń mazmunǵa qurylǵan óleńderi ulttyq rýhaniiattyń altyn qorynan oryn aldy.
Aqyn óz shyǵarmalarynda ǵana emes, qoǵamdyq ómirde de belsendi pozitsiia tanytyp, el men jer taǵdyryna qatysty ótkir pikirlerimen erekshelendi. Ol árdaiym ádilettilik pen ulttyq múddeni qorǵaýda tabandylyq kórsetti.
Ministrlik ókilderi Muhtar Shahanovtyń qaisar minezi, ór rýhy men el aldyndaǵy adaldyǵy halyq jadynda máńgi saqtalatynyn atap ótti.
Marqumnyń jatqan jeri jaily, topyraǵy torqa bolsyn.
