فوتو: قر مام
قازاقستاننىڭ حالىق جازۋشىسى, اقىن, دراماتۋرگ جەنە قوعام قايراتكەرٸ مۇحتار شاحانوۆ ٶمٸردەن ٶتتٸ, دەپ حابارلايدى Ult.kz.
قارالى حابارعا بايلانىستى قر مەدەنيەت جەنە اقپارات مينيسترلٸگٸ مارقۇمنىڭ وتباسى مەن جاقىندارىنا, سونداي-اق بارشا قازاق جۇرتىنا كٶڭٸل ايتتى.
مۇحتار شاحانوۆ – قازاق پوەزيياسىنا جاڭا تىنىس ەكەلٸپ, ازاماتتىق ۇستانىمدى شىعارماشىلىعىمەن ۇشتاستىرا بٸلگەن بٸرەگەي تۇلعا ەدٸ. ونىڭ تەرەڭ مازمۇنعا قۇرىلعان ٶلەڭدەرٸ ۇلتتىق رۋحانيياتتىڭ التىن قورىنان ورىن الدى.
اقىن ٶز شىعارمالارىندا عانا ەمەس, قوعامدىق ٶمٸردە دە بەلسەندٸ پوزيتسييا تانىتىپ, ەل مەن جەر تاعدىرىنا قاتىستى ٶتكٸر پٸكٸرلەرٸمەن ەرەكشەلەندٸ. ول ەردايىم ەدٸلەتتٸلٸك پەن ۇلتتىق مٷددەنٸ قورعاۋدا تاباندىلىق كٶرسەتتٸ.
مينيسترلٸك ٶكٸلدەرٸ مۇحتار شاحانوۆتىڭ قايسار مٸنەزٸ, ٶر رۋحى مەن ەل الدىنداعى ادالدىعى حالىق جادىندا مەڭگٸ ساقتالاتىنىن اتاپ ٶتتٸ.
مارقۇمنىڭ جاتقان جەرٸ جايلى, توپىراعى تورقا بولسىن.
