«Nur Otan» partiiasy Tóraǵasynyń Birinshi orynbasary Qaraǵandy oblysynda boldy, - dep habarlaidy Ult.kz tilshisi.
Sapar barysynda Muhtar Qul-Muhammed «Nurly Jol» baǵdarlamasyn júzege asyrý sapasyn tekserdi, indýstrialdyq jáne agroónerkásiptik salalardyń damý qarqynyna baǵasyn berdi, partiia aktivimen kezdesti, sondai-aq, politehnikalyq kolledj ben E.Býketov atyndaǵy Qaraǵandy memlekettik ýniversitetine bardy.
JOO-nyń professor-oqytýshylar quramymen jáne stýdentterimen kezdesý Qazaqstan Táýelsizdiginiń 25 jyldyǵyna arnaldy. Onda Muhtar Qul-Muhammed: «Halqymyz «tar jol taiǵaq keshý» arqyly qol jetkizgen táýelsizdigimizdiń bastaýynda Alash arystary tur. Reseidiń eń úlken ýniversitetterinde bilim alǵan Alash qairatkerleriniń túpki maqsaty avtonomiia arqyly táýelsiz qazaq memleketin qurý edi. Olar ózderiniń búkil ómirin osy izgi maqsatqa arnap, halqynyń bolashaǵy úshin qurban boldy. Olardyń esimderin búgingi jastar eshqashan umytpaýy kerek», – dedi.
Ult portaly
.jpeg)