Senat depýtaty Muhtar Qul-Muhamed QR Parlament Senatynyń Halyqaralyq qatynastar, qorǵanys jáne qaýipsizdik komitetiniń múshesi boldy, dep habarlaidy «QazAqparat».
Búgin Muhtar Qul-Muhamedti Parlament Senatynyń komitet múshesi etip sailaý týraly Senattyń qaýlysy shyqty. «QR-nyń Parlamenti men onyń depýtattarynyń mártebesi» týraly Qazaqstan Respýblikasy Konstitýtsiialyq Zańynyń 25-baby 2-tarmaǵynyń 1 tarmaqshasyna jáne «QR Parlamentiniń komitetteri men komissiialary týraly» Qazaqstan Respýblikasy Zańynyń 15-babyna sáikes, Parlament Senaty qaýly etti.
«Muhtar Abraruly Senat jumysyna óziniń qomaqty úlesin qosar dep senemin. Sizge tabysty jumys tileimiz», - dep quttyqtady QR Parlament Senatynyń tóraǵasy Qasym-Jomart Toqaev.
Eske sala ketsek, Elbasy «Nur Otan» partiiasy tóraǵasynyń jańa birinshi orynbasaryn tanystyrǵan bolatyn. Al oǵan deiin ol laýazymdy atqarǵan Muhtar Qul-Muhamed Elbasynyń Jarlyǵymen Parlament Senatynyń depýtaty boldy.
