«BTA Banki» AQ Direktorlar keńesiniń burynǵy tóraǵasy Muhtar Ábiliazovtiń sybailasy Qazaqstanǵa 6,3 mlrd teńge qaitardy. Bul týraly Sybailas jemqorlyqqa qarsy is-qimyl agenttiginen málim etti, dep habarlaidy "Ult aqparat".
«QR Sybailas jemqorlyqqa qarsy qyzmeti QR Bas prokýratýrasymen birlesip, «BTA Banki» AQ-nyń direktorlar Keńesiniń burynǵy tóraǵasy Muhtar Ábiliazov pen onyń sybailastaryna qatysty sotqa deiingi tergeýdi jalǵastyrýda.
Qazirgi ýaqytta qylmystyq top keltirgen zalaldyń 6,3 mlrd teńgesi qosymsha óteldi.
Bul – Máskeý qalasyndaǵy iri biznes-ortalyǵynyń qurylysyna salynǵan jáne Ábiliazovtiń baqylaýyndaǵy offshorlyq kompaniiaǵa qaitarymsyz nesie berý arqyly jymqyrylǵan BTA bankiniń qarajaty bolyp tabylady.
Qazaqstanǵa sot tóreliginen jasyrynyp júrgen tulǵalardy ekstraditsiialaý jáne óz erkimen qaitarý, basqa qylmystyq epizodtar aiasynda keltirilgen zalaldy óteý boiynsha jumystar jalǵasýda», - delingen agenttik aqparatynda.
