«بتا بانكٸ» اق ديرەكتورلار كەڭەسٸنٸڭ بۇرىنعى تٶراعاسى مۇحتار ەبٸليازوۆتٸڭ سىبايلاسى قازاقستانعا 6,3 ملرد تەڭگە قايتاردى. بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸنەن مەلٸم ەتتٸ, دەپ حابارلايدى "ۇلت اقپارات".
«قر سىبايلاس جەمقورلىققا قارسى قىزمەتٸ قر باس پروكۋراتۋراسىمەن بٸرلەسٸپ, «بتا بانكٸ» اق-نىڭ ديرەكتورلار كەڭەسٸنٸڭ بۇرىنعى تٶراعاسى مۇحتار ەبٸليازوۆ پەن ونىڭ سىبايلاستارىنا قاتىستى سوتقا دەيٸنگٸ تەرگەۋدٸ جالعاستىرۋدا.
قازٸرگٸ ۋاقىتتا قىلمىستىق توپ كەلتٸرگەن زالالدىڭ 6,3 ملرد تەڭگەسٸ قوسىمشا ٶتەلدٸ.
بۇل – مەسكەۋ قالاسىنداعى ٸرٸ بيزنەس-ورتالىعىنىڭ قۇرىلىسىنا سالىنعان جەنە ەبٸليازوۆتٸڭ باقىلاۋىنداعى وففشورلىق كومپانيياعا قايتارىمسىز نەسيە بەرۋ ارقىلى جىمقىرىلعان بتا بانكٸنٸڭ قاراجاتى بولىپ تابىلادى.
قازاقستانعا سوت تٶرەلٸگٸنەن جاسىرىنىپ جٷرگەن تۇلعالاردى ەكستراديتسييالاۋ جەنە ٶز ەركٸمەن قايتارۋ, باسقا قىلمىستىق ەپيزودتار اياسىندا كەلتٸرٸلگەن زالالدى ٶتەۋ بويىنشا جۇمىستار جالعاسۋدا», - دەلٸنگەن اگەنتتٸك اقپاراتىندا.
