Bas prokýratýranyń, Sybailas jemqorlyqqa qarsy is-qimyl agenttiginiń qyzmetkerleri Ulttyq qaýipsizdik komitettiń járdemdesýimen Grýziiadan «BTA Banki» AQ-nyń burynǵy basqarma múshesi – Basqarýshy direktory Asylmurat Ramazanovty ekstraditsiialady, dep habarlaidy "Ult aqparat" Bas prokýratýranyń baspasóz qyzmetine silteme jasap.
Ol 249 mlrd teńgeden astam somaǵa BTA bankiniń aktivterin Muhtar Ábiliazovtiń uiymdasqan qylmystyq qoǵamdastyǵy múshelerimen birlesip urlaǵany úshin izdestirilgen bolatyn.
Qylmystyq jaýaptylyqtan jaltarý maqsatynda Ramazanov Qyrǵyz Respýblikasy azamatynyń jalǵan tólqujatyn paidalanyp, Grýziia aýmaǵynda jasyrynyp júrgen.
Alaida qazaqstandyq quqyq qorǵaý organdarynyń grýzin áriptesterimen úilesimdi jumysynyń arqasynda ol qolǵa tústi.
Qazirgi ýaqytta Ramazanov Almaty qalasy tergeý izoliatoryna qamaldy.
