Búgin Almaty qalasyndaǵy qylmystyq ister boiynsha aýdanaralyq mamandandyrylǵan sotta alaiaq bankir, «BTA bankiniń» burynǵy basshysy Muhtar Ábilázovke qatysty qylmystyq is boiynsha aldyn ala sot tyńdaýy ótti, - dep habarlaidy "Ult aqparat" Baq.kz portalyna silteme jasap.
Sottalýshylar oryndyǵynda syrttai sottalatyn M. Ábilázovten bólek onyń úsh sybailasy – «BTA bankiniń» basqarma tóraǵasynyń eks-birinshi orynbasary-nesie berý komitetiniń tóraǵasy Jaqsylyq Járimbetov, nesieleý boiynsha eks-direktor Qairat Sadyqov jáne «BTA bankiniń» burynǵy basqarma tóraǵasy Sadýaqas Mámesh otyr.
Buǵan deiin qylmystyq iske qatysýshylarǵa, sonyń ishinde M. Ábilázovtiń qorǵaýshysyna aiyptaý aktisi tapsyryldy. 2017 jyldyń 1 jáne 14 aqpanynda Sybailas jemqorlyqqa qarsy is-qimyl jónindegi Ulttyq biýro Qylmystyq-protsessýaldyq kodekstiń talaptaryna sáikes, otandyq jáne sheteldik BAQ-ta materialdar shyǵarý jolymen M. Ábilázovti sotqa kelý týraly habardar etti. Alaida,ol sotqa kelgen joq jáne kelýine kedergi keltiretin sebepter jóninde de habarlaǵan joq.
Alaiaq bankirdiń isiniń keiipkerlerine qylmys jasaý, bótenniń múlkin ielený jáne jumsaý, zańsyz jolmen tabylǵan aqshany zańdastyrý, banktiń qarajatyn zańsyz paidalaný, ókilettikterin asyra paidalaný maqsatynda qylmystyq qaýymdastyq uiymdastyrdy jáne qurdy degen aiyptar taǵylyp otyr. Al M. Ábilázovtiń ózi Qazaqstan Respýblikasynyń Qylmystyq kodeksiniń 6 baby boiynsha aiyptalýda: atap aitqanda, «Qylmys jasaý maqsatynda qylmystyq qaýymdastyq uiymdastyrý jáne qurý», «Senip tapsyralǵan bótenniń múlkin ielený jáne jumsaý», «Senip tapsyrylǵan bótenniń múlkine qastandyq jasaý jáne jumsaý», «Qylmystyq jolmen tabylǵan aqsha men múlikti zańdastyrý», «Banktiń aqshasyn zańsyz jolmen paidalaný», «Ókilettikterin asyra paidalaný».
Sybailas jemqorlyqqa qarsy is-qimyl jónindegi ulttyq biýro M. Ábilázov pen onyń sybailastaryna qatysty qylmystyq is boiynsha sotqa deiingi tergeý sharalary aiaqtalyp, is prokýratýra organdary arqyly sotqa jóneltilgenin habarlaǵan edi.
Ámirlan Álimjan
