بٷگٸن الماتى قالاسىنداعى قىلمىستىق ٸستەر بويىنشا اۋدانارالىق مامانداندىرىلعان سوتتا الاياق بانكير, «بتا بانكٸنٸڭ» بۇرىنعى باسشىسى مۇحتار ەبٸلەزوۆكە قاتىستى قىلمىستىق ٸس بويىنشا الدىن الا سوت تىڭداۋى ٶتتٸ, - دەپ حابارلايدى "ۇلت اقپارات" Baq.kz پورتالىنا سٸلتەمە جاساپ.
سوتتالۋشىلار ورىندىعىندا سىرتتاي سوتتالاتىن م. ەبٸلەزوۆتەن بٶلەك ونىڭ ٷش سىبايلاسى – «بتا بانكٸنٸڭ» باسقارما تٶراعاسىنىڭ ەكس-بٸرٸنشٸ ورىنباسارى-نەسيە بەرۋ كوميتەتٸنٸڭ تٶراعاسى جاقسىلىق جەرٸمبەتوۆ, نەسيەلەۋ بويىنشا ەكس-ديرەكتور قايرات سادىقوۆ جەنە «بتا بانكٸنٸڭ» بۇرىنعى باسقارما تٶراعاسى سادۋاقاس مەمەش وتىر.
بۇعان دەيٸن قىلمىستىق ٸسكە قاتىسۋشىلارعا, سونىڭ ٸشٸندە م. ەبٸلەزوۆتٸڭ قورعاۋشىسىنا ايىپتاۋ اكتٸسٸ تاپسىرىلدى. 2017 جىلدىڭ 1 جەنە 14 اقپانىندا سىبايلاس جەمقورلىققا قارسى ٸس-قيمىل جٶنٸندەگٸ ۇلتتىق بيۋرو قىلمىستىق-پروتسەسسۋالدىق كودەكستٸڭ تالاپتارىنا سەيكەس, وتاندىق جەنە شەتەلدٸك باق-تا ماتەريالدار شىعارۋ جولىمەن م. ەبٸلەزوۆتٸ سوتقا كەلۋ تۋرالى حاباردار ەتتٸ. الايدا,ول سوتقا كەلگەن جوق جەنە كەلۋٸنە كەدەرگٸ كەلتٸرەتٸن سەبەپتەر جٶنٸندە دە حابارلاعان جوق.
الاياق بانكيردٸڭ ٸسٸنٸڭ كەيٸپكەرلەرٸنە قىلمىس جاساۋ, بٶتەننٸڭ مٷلكٸن يەلەنۋ جەنە جۇمساۋ, زاڭسىز جولمەن تابىلعان اقشانى زاڭداستىرۋ, بانكتٸڭ قاراجاتىن زاڭسىز پايدالانۋ, ٶكٸلەتتٸكتەرٸن اسىرا پايدالانۋ ماقساتىندا قىلمىستىق قاۋىمداستىق ۇيىمداستىردى جەنە قۇردى دەگەن ايىپتار تاعىلىپ وتىر. ال م. ەبٸلەزوۆتٸڭ ٶزٸ قازاقستان رەسپۋبليكاسىنىڭ قىلمىستىق كودەكسٸنٸڭ 6 بابى بويىنشا ايىپتالۋدا: اتاپ ايتقاندا, «قىلمىس جاساۋ ماقساتىندا قىلمىستىق قاۋىمداستىق ۇيىمداستىرۋ جەنە قۇرۋ», «سەنٸپ تاپسىرالعان بٶتەننٸڭ مٷلكٸن يەلەنۋ جەنە جۇمساۋ», «سەنٸپ تاپسىرىلعان بٶتەننٸڭ مٷلكٸنە قاستاندىق جاساۋ جەنە جۇمساۋ», «قىلمىستىق جولمەن تابىلعان اقشا مەن مٷلٸكتٸ زاڭداستىرۋ», «بانكتٸڭ اقشاسىن زاڭسىز جولمەن پايدالانۋ», «ٶكٸلەتتٸكتەرٸن اسىرا پايدالانۋ».
سىبايلاس جەمقورلىققا قارسى ٸس-قيمىل جٶنٸندەگٸ ۇلتتىق بيۋرو م. ەبٸلەزوۆ پەن ونىڭ سىبايلاستارىنا قاتىستى قىلمىستىق ٸس بويىنشا سوتقا دەيٸنگٸ تەرگەۋ شارالارى اياقتالىپ, ٸس پروكۋراتۋرا ورگاندارى ارقىلى سوتقا جٶنەلتٸلگەنٸن حابارلاعان ەدٸ.
ەمٸرلان ەلٸمجان
