Sybailas jemqorlyqqa qarsy qyzmet Qazaqstan Respýblikasy Ulttyq mýzeiiniń direktory A.Muhamediuly men basqa da tulǵalarǵa qatysty biýdjet qarajatyn asa iri mólsherde urlaý jáne laýazymdyq ókilettikterdi teris paidalaný deregi boiynsha tergeýdi jalǵastyryp jatyr, - dep habarlaidy "Ult aqparat" vedomstvonyń baspasóz qyzmetine silteme jasap.
Antikor málimetinshe, Tergeý «Altyn adamnyń álem murajailary boiynsha sherýi» halyqaralyq kórmesin ótkizýge, sondai-aq «Qazaqstannyń ulttyq kieli nysandary men mýzei qorlaryn jalpymemlekettik fotogrammetriialyq 3D-skanerleý» jáne «Qazaqstan Respýblikasynyń Ulttyq tsifrlyq kinokollektsiiasyn tsifrlandyrý» jobalaryna bólingen biýdjet qarajatyn urlaý faktileri boiynsha júrgizilip jatyr.
Budan basqa, A.Muhamediulynyń Mádeniet jáne sport ministri laýazymynda bolǵan kezinde týystarynyń jáne úlestes tulǵalarynyń menshigine «Sý jáne qoldanbaly sport túrleri boiynsha Respýblikalyq joǵary sport sheberligi mektebi» RMQK, «Qazaq entsiklopediiasy» AQ jáne «Qazaq ǵylymi-zertteý mádeniet institýty» JShS zańsyz berýge qatystylyǵy tekserilip jatyr.
Tergelip jatqan qylmystyq ister boiynsha memleketke keltirilgen zalaldyń aldyn ala somasy shamamen 7 mlrd teńgeni quraǵan.
Vedomstvo habarlaýynsha, Muhamediulyn qamaýda ustaý merzimi 4 aiǵa deiin, iaǵni aǵymdaǵy jyldyń 26 qyrkúiegine deiin uzartyldy. Tergeý jalǵasyp jatyr.
