سىبايلاس جەمقورلىققا قارسى قىزمەت قازاقستان رەسپۋبليكاسى ۇلتتىق مۋزەيٸنٸڭ ديرەكتورى ا.مۇحامەديۇلى مەن باسقا دا تۇلعالارعا قاتىستى بيۋدجەت قاراجاتىن اسا ٸرٸ مٶلشەردە ۇرلاۋ جەنە لاۋازىمدىق ٶكٸلەتتٸكتەردٸ تەرٸس پايدالانۋ دەرەگٸ بويىنشا تەرگەۋدٸ جالعاستىرىپ جاتىر, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
انتيكور مەلٸمەتٸنشە, تەرگەۋ «التىن ادامنىڭ ەلەم مۇراجايلارى بويىنشا شەرۋٸ» حالىقارالىق كٶرمەسٸن ٶتكٸزۋگە, سونداي-اق «قازاقستاننىڭ ۇلتتىق كيەلٸ نىساندارى مەن مۋزەي قورلارىن جالپىمەملەكەتتٸك فوتوگراممەترييالىق 3D-سكانەرلەۋ» جەنە «قازاقستان رەسپۋبليكاسىنىڭ ۇلتتىق تسيفرلىق كينوكوللەكتسيياسىن تسيفرلاندىرۋ» جوبالارىنا بٶلٸنگەن بيۋدجەت قاراجاتىن ۇرلاۋ فاكتٸلەرٸ بويىنشا جٷرگٸزٸلٸپ جاتىر.
بۇدان باسقا, ا.مۇحامەديۇلىنىڭ مەدەنيەت جەنە سپورت مينيسترٸ لاۋازىمىندا بولعان كەزٸندە تۋىستارىنىڭ جەنە ٷلەستەس تۇلعالارىنىڭ مەنشٸگٸنە «سۋ جەنە قولدانبالى سپورت تٷرلەرٸ بويىنشا رەسپۋبليكالىق جوعارى سپورت شەبەرلٸگٸ مەكتەبٸ» رمقك, «قازاق ەنتسيكلوپەديياسى» اق جەنە «قازاق عىلىمي-زەرتتەۋ مەدەنيەت ينستيتۋتى» جشس زاڭسىز بەرۋگە قاتىستىلىعى تەكسەرٸلٸپ جاتىر.
تەرگەلٸپ جاتقان قىلمىستىق ٸستەر بويىنشا مەملەكەتكە كەلتٸرٸلگەن زالالدىڭ الدىن الا سوماسى شامامەن 7 ملرد تەڭگەنٸ قۇراعان.
ۆەدومستۆو حابارلاۋىنشا, مۇحامەديۇلىن قاماۋدا ۇستاۋ مەرزٸمٸ 4 ايعا دەيٸن, ياعني اعىمداعى جىلدىڭ 26 قىركٷيەگٸنە دەيٸن ۇزارتىلدى. تەرگەۋ جالعاسىپ جاتىر.
