Raýan Shyntaeva Almaty oblysynda Eńbekshiqazaq orta mektebinde muǵalimdik qyzmet atqarǵanyna 20 jyldan astam ýaqyt bolǵan. Ol ár bes jyl saiyn Almaty qalasyndaǵy «Órleý» muǵalimderdi qaita daiarlaý ortalyǵynda bilimin jetildirip otyrǵan. Endi QR Bilim jáne ǵylym ministrliginiń sheshimimen, muǵalimder ár úsh jyl saiyn biliktiligin arttyryp otyrýy mindetti, - dep habarlaidy «Ult aqparat».
Al 20 jyl eńbek ótili bar ustazdyń aitýynsha, muǵalimderdiń biliktiligin arttyrý bilim alýshylar úshin de, muǵalimniń ózi úshin de óte mańyzdy.
«Kásibi biliktilikti arttyrý kez kelgen maman úshin óte mańyzdy. Ustazdyq etkeli 4-5 ret biliktilikti arttyrý boiynsha «Órleý» ortalyǵynda dáris aldym. Negizi Damyǵan elderde óte jii, tipti jyl saiyn da biliktilikti arttyý boiynsha jumystar júretini belgili. Bizdiń elde muǵalimderge degen memlekettik qoldaý jyl saiyn artyp keledi. Eńbekaqy ósip, saǵattar kóbeiip, oqýshylarmen, olardyń ata-analarmen qarym-qatynas jasaýymyzǵa, alańsyz eńbek etýimizge jaǵdai jasalyp kele jatyr», - deidi Eńbekshiqazaq orta mektebiniń muǵalimi Raýan Shyntaeva.
Osy oraida, QR Bilim jáne ǵylym ministrligi Mektepke deiingi jáne orta bilim komiteti tóraǵasy Gúlmira Kárimova pedagogterdiń biliktiligin 3 jylda bir ret arttyrýǵa qatysty túsinik berdi.
«Damyǵan elderdiń halyqaralyq tájiribesin qarastyrsaq, Singapýr, Finliandiia siiaqty elderde biliktilikti arttyrý jylyna keminde bir ret, al Resei Federatsiiasynda keminde úsh jylda bir ret júzege asyrylady. Kýrstardy oqytýdan basqa, bul elderde pedagogterdiń biliktiligin arttyrý úshin kásibi qoǵamdastyqtardaǵy jumys júiesi, konferentsiialarǵa qatysý, úzdik pedagogterdiń sabaqtaryna qatysý jáne kásibi damýdyń basqa da nysandary paidalanylady», - dedi QR Bilim jáne ǵylym ministrligi Mektepke deiingi jáne orta bilim komiteti tóraǵasy Gúlmira Kárimova.
Resmi statistikaǵa súiensek, Qazaqstan álemniń 48 elimen qatar TALIS halyqaralyq zertteý nátijeleri boiynsha qazaqstandyq pedagogterdiń 86%-y kásibi damý boiynsha is-sharalarǵa qatysýdyń pedagogikalyq praktikaǵa oń áserin tigizetin bolǵan. Pedagogikalyq qyzmetti jańadan bastaǵan muǵalimderdiń shamamen 70%-y kásibi deńgeiiniń jetkiliksizdigine, mektep ortasyna beiimdelýge bailanysty qiyndyqtarǵa tap bolady. Osyǵan bailanysty, jas pedagogter kem degende úsh jylda bir ret biliktiligin arttyrýdy qajet etedi.
«Oqýdy jańadan bitirip, qyzmetke jańadan aralasqan ýaqyttarda biliktilik boiynsha tálim alýdyń mańyzdylyǵyn qatty sezindim. Óitkeni tájiribesi joq maman úshin bul óte mańyzdy. Qansha jyl muǵalim bolsań, sonsha jyl biliktiligińdi arttyryp otyrýyń kerek. óitkeni jyl saiyn oqýlyqtar, oqytý ádisteri ózgerip, oqýshylar da jyl saiyn túrli-túrli bolyp keledi. Sondyqtan zamanǵa sai bárin de qaita oqyp, qaita meńgerip otyrý mańyzdy. Jańa tehnologiia, jańa innovatsiia, bári de adamdy alǵa jetelep otyratyny ras», - deidi Eńbekshiqazaq orta mektebiniń muǵalimi Raýan Shyntaeva.
Bilim jáne ǵylym ministrliginiń sońǵy sheshimine orai, biliktilikti arttyrý kýrstarynan ótý jiiligin keminde úsh jylda bir ret arttyrý qajettiligi, eń aldymen, pedagogterdi úzdiksiz damytý tujyrymdamasynyń printsipterine, jetekshi bilim berý elderiniń senimdi nátijelerine, pedagogika salasyndaǵy ǵylymi teoriialarǵa, halyqaralyq monitoringtik zertteýlerge negizdelgen.
Esterińizge sala keteiik, QR Bilim jáne ǵylym ministrligi Mektepke deiingi jáne orta bilim komiteti tóraǵasy Gúlmira Kárimova pedagogterdiń biliktiligin 3 jylda bir ret arttyrýǵa qatysty túsinik berdi. Onyń aitýynsha, bul tájiribe damyǵan elderdiń halyqaralyq tájiribesinen qarastyrylyp, Singapýr, Finliandiia siiaqty elderde biliktilikti arttyrý jylyna keminde bir ret, al Resei Federatsiiasynda keminde úsh jylda bir ret júzege asyrylatynyna negizdelgen. Al Qazaqstan álemniń 48 elimen qatar TALIS halyqaralyq zertteý nátijeleri boiynsha qazaqstandyq pedagogterdiń 86%- y kásibi damý boiynsha is-sharalarǵa qatysýdyń pedagogikalyq praktikaǵa oń áserin tigizetin bolǵan.
