راۋان شىنتاەۆا الماتى وبلىسىندا ەڭبەكشٸقازاق ورتا مەكتەبٸندە مۇعالٸمدٸك قىزمەت اتقارعانىنا 20 جىلدان استام ۋاقىت بولعان. ول ەر بەس جىل سايىن الماتى قالاسىنداعى «ٶرلەۋ» مۇعالٸمدەردٸ قايتا دايارلاۋ ورتالىعىندا بٸلٸمٸن جەتٸلدٸرٸپ وتىرعان. ەندٸ قر بٸلٸم جەنە عىلىم مينيسترلٸگٸنٸڭ شەشٸمٸمەن, مۇعالٸمدەر ەر ٷش جىل سايىن بٸلٸكتٸلٸگٸن ارتتىرىپ وتىرۋى مٸندەتتٸ, - دەپ حابارلايدى «ۇلت اقپارات».
ال 20 جىل ەڭبەك ٶتٸلٸ بار ۇستازدىڭ ايتۋىنشا, مۇعالٸمدەردٸڭ بٸلٸكتٸلٸگٸن ارتتىرۋ بٸلٸم الۋشىلار ٷشٸن دە, مۇعالٸمنٸڭ ٶزٸ ٷشٸن دە ٶتە ماڭىزدى.
«كەسٸبي بٸلٸكتٸلٸكتٸ ارتتىرۋ كەز كەلگەن مامان ٷشٸن ٶتە ماڭىزدى. ۇستازدىق ەتكەلٸ 4-5 رەت بٸلٸكتٸلٸكتٸ ارتتىرۋ بويىنشا «ٶرلەۋ» ورتالىعىندا دەرٸس الدىم. نەگٸزٸ دامىعان ەلدەردە ٶتە جيٸ, تٸپتٸ جىل سايىن دا بٸلٸكتٸلٸكتٸ ارتتىۋ بويىنشا جۇمىستار جٷرەتٸنٸ بەلگٸلٸ. بٸزدٸڭ ەلدە مۇعالٸمدەرگە دەگەن مەملەكەتتٸك قولداۋ جىل سايىن ارتىپ كەلەدٸ. ەڭبەكاقى ٶسٸپ, ساعاتتار كٶبەيٸپ, وقۋشىلارمەن, ولاردىڭ اتا-انالارمەن قارىم-قاتىناس جاساۋىمىزعا, الاڭسىز ەڭبەك ەتۋٸمٸزگە جاعداي جاسالىپ كەلە جاتىر», - دەيدٸ ەڭبەكشٸقازاق ورتا مەكتەبٸنٸڭ مۇعالٸمٸ راۋان شىنتاەۆا.
وسى ورايدا, قر بٸلٸم جەنە عىلىم مينيسترلٸگٸ مەكتەپكە دەيٸنگٸ جەنە ورتا بٸلٸم كوميتەتٸ تٶراعاسى گٷلميرا كەرٸموۆا پەداگوگتەردٸڭ بٸلٸكتٸلٸگٸن 3 جىلدا بٸر رەت ارتتىرۋعا قاتىستى تٷسٸنٸك بەردٸ.
«دامىعان ەلدەردٸڭ حالىقارالىق تەجٸريبەسٸن قاراستىرساق, سينگاپۋر, فينلياندييا سيياقتى ەلدەردە بٸلٸكتٸلٸكتٸ ارتتىرۋ جىلىنا كەمٸندە بٸر رەت, ال رەسەي فەدەراتسيياسىندا كەمٸندە ٷش جىلدا بٸر رەت جٷزەگە اسىرىلادى. كۋرستاردى وقىتۋدان باسقا, بۇل ەلدەردە پەداگوگتەردٸڭ بٸلٸكتٸلٸگٸن ارتتىرۋ ٷشٸن كەسٸبي قوعامداستىقتارداعى جۇمىس جٷيەسٸ, كونفەرەنتسييالارعا قاتىسۋ, ٷزدٸك پەداگوگتەردٸڭ ساباقتارىنا قاتىسۋ جەنە كەسٸبي دامۋدىڭ باسقا دا نىساندارى پايدالانىلادى», - دەدٸ قر بٸلٸم جەنە عىلىم مينيسترلٸگٸ مەكتەپكە دەيٸنگٸ جەنە ورتا بٸلٸم كوميتەتٸ تٶراعاسى گٷلميرا كەرٸموۆا.
رەسمي ستاتيستيكاعا سٷيەنسەك, قازاقستان ەلەمنٸڭ 48 ەلٸمەن قاتار TALIS حالىقارالىق زەرتتەۋ نەتيجەلەرٸ بويىنشا قازاقستاندىق پەداگوگتەردٸڭ 86%-ى كەسٸبي دامۋ بويىنشا ٸس-شارالارعا قاتىسۋدىڭ پەداگوگيكالىق پراكتيكاعا وڭ ەسەرٸن تيگٸزەتٸن بولعان. پەداگوگيكالىق قىزمەتتٸ جاڭادان باستاعان مۇعالٸمدەردٸڭ شامامەن 70%-ى كەسٸبي دەڭگەيٸنٸڭ جەتكٸلٸكسٸزدٸگٸنە, مەكتەپ ورتاسىنا بەيٸمدەلۋگە بايلانىستى قيىندىقتارعا تاپ بولادى. وسىعان بايلانىستى, جاس پەداگوگتەر كەم دەگەندە ٷش جىلدا بٸر رەت بٸلٸكتٸلٸگٸن ارتتىرۋدى قاجەت ەتەدٸ.
«وقۋدى جاڭادان بٸتٸرٸپ, قىزمەتكە جاڭادان ارالاسقان ۋاقىتتاردا بٸلٸكتٸلٸك بويىنشا تەلٸم الۋدىڭ ماڭىزدىلىعىن قاتتى سەزٸندٸم. ٶيتكەنٸ تەجٸريبەسٸ جوق مامان ٷشٸن بۇل ٶتە ماڭىزدى. قانشا جىل مۇعالٸم بولساڭ, سونشا جىل بٸلٸكتٸلٸگٸڭدٸ ارتتىرىپ وتىرۋىڭ كەرەك. ٶيتكەنٸ جىل سايىن وقۋلىقتار, وقىتۋ ەدٸستەرٸ ٶزگەرٸپ, وقۋشىلار دا جىل سايىن تٷرلٸ-تٷرلٸ بولىپ كەلەدٸ. سوندىقتان زامانعا ساي بەرٸن دە قايتا وقىپ, قايتا مەڭگەرٸپ وتىرۋ ماڭىزدى. جاڭا تەحنولوگييا, جاڭا يننوۆاتسييا, بەرٸ دە ادامدى العا جەتەلەپ وتىراتىنى راس», - دەيدٸ ەڭبەكشٸقازاق ورتا مەكتەبٸنٸڭ مۇعالٸمٸ راۋان شىنتاەۆا.
بٸلٸم جەنە عىلىم مينيسترلٸگٸنٸڭ سوڭعى شەشٸمٸنە وراي, بٸلٸكتٸلٸكتٸ ارتتىرۋ كۋرستارىنان ٶتۋ جيٸلٸگٸن كەمٸندە ٷش جىلدا بٸر رەت ارتتىرۋ قاجەتتٸلٸگٸ, ەڭ الدىمەن, پەداگوگتەردٸ ٷزدٸكسٸز دامىتۋ تۇجىرىمداماسىنىڭ پرينتسيپتەرٸنە, جەتەكشٸ بٸلٸم بەرۋ ەلدەرٸنٸڭ سەنٸمدٸ نەتيجەلەرٸنە, پەداگوگيكا سالاسىنداعى عىلىمي تەورييالارعا, حالىقارالىق مونيتورينگتٸك زەرتتەۋلەرگە نەگٸزدەلگەن.
ەستەرٸڭٸزگە سالا كەتەيٸك, قر بٸلٸم جەنە عىلىم مينيسترلٸگٸ مەكتەپكە دەيٸنگٸ جەنە ورتا بٸلٸم كوميتەتٸ تٶراعاسى گٷلميرا كەرٸموۆا پەداگوگتەردٸڭ بٸلٸكتٸلٸگٸن 3 جىلدا بٸر رەت ارتتىرۋعا قاتىستى تٷسٸنٸك بەردٸ. ونىڭ ايتۋىنشا, بۇل تەجٸريبە دامىعان ەلدەردٸڭ حالىقارالىق تەجٸريبەسٸنەن قاراستىرىلىپ, سينگاپۋر, فينلياندييا سيياقتى ەلدەردە بٸلٸكتٸلٸكتٸ ارتتىرۋ جىلىنا كەمٸندە بٸر رەت, ال رەسەي فەدەراتسيياسىندا كەمٸندە ٷش جىلدا بٸر رەت جٷزەگە اسىرىلاتىنىنا نەگٸزدەلگەن. ال قازاقستان ەلەمنٸڭ 48 ەلٸمەن قاتار TALIS حالىقارالىق زەرتتەۋ نەتيجەلەرٸ بويىنشا قازاقستاندىق پەداگوگتەردٸڭ 86%- ى كەسٸبي دامۋ بويىنشا ٸس-شارالارعا قاتىسۋدىڭ پەداگوگيكالىق پراكتيكاعا وڭ ەسەرٸن تيگٸزەتٸن بولعان.
